reame and state and welth of our Kyng ande quene and of here Soones also and for owr helth and of all our and for þe Sowles of our fadurs and modurs and of our aunceturs, yefe and graunte, in-to perpetuell almes, to þe church of god and of Seynte Marye of Osney and to þe chanons þere seruyng god, our Ile þe which is i-callid Midley, with all thynges to hit perteynyng In londes & medes and in pastures, with all þe same liberteis and customs þe which þere owr aunceturs had with ffre grauntyng of Kynges, and we after them, so naþeles that euery ȝere þe same chanons pay dj. a marke of Siluer for that same tenure or holde ['or holde' is an alternative rendering of 'tenura.'] where we shall commaunde. This yevyng and grauntyng we haue i-maade with þe commune assent in portemannet ['portmanmot.'] , and this we made in þe chapiter of Oseney Afore þe chanons of þe same place, and In þe presence of William Chenet our Aldirman, and ['et per eum et postea cum ipso super altare cum textu obtulimus.' Does 'cum textu' refer to the oath on the gospels, as in nos. 154, 219?] by hym and afterwarde with hym vppon þe Auter with texte we offerid hit. Of this ȝifte and graunte Witnisse Edwarde [Should be Everard.] Abbot of Thame: þese witnesses, et cetera.
[70.]
About 1192. Confirma|tion to Oseney, by Oxford town, of Medley, as in no. 69, but with 6s. 8d. added to the quit|rent be|cause of warranty now given.
BE hit i-knowe bothe to men that be nowe and to be þat we, Citisens of Oxonford, of þe commune of þe Cite and of þe Marchaundis yelde, for owr helth and of our and for þe Sowles of our kennesfolkes and of our aunceturs, graunte, and with our present charter conferme, to þe Church of Seynte marye of Oseney and to þe chanons þere seruyng god, þe yifte þe which our aunceturs maade to þem of þe Ile of Midley with his pertinences, so that Euery yere at þe fest of Seynte Mighell þe same chanons paye dj. j. marke for þis tenure where we shall commaunde þem, as witnesseth þe charter of our aunceturs þat þey maade to þem of þe yifte of þe same Ile. ffurþermore, for|asmoche as we haue i-take in our hande, for vs and for our heyres, to warantiȝe þe forsaide Ile to þe same chanons in Euerych place and ['et versus omnes homines.'] to all men, þey for this warantiȝynge shall paye to vs and to our heyres Euery ȝere at Estur a-noþer dj. marke, þe which þey shall take ['tradent.'] to whome we wille bidde; and we and our heyres feyȝhtfully shall warantiȝe to þem þe
