Boteley helde and þe mede that Robert Mercer sumtyme helde: to be had and to be holde, to þe saide church and chanons for euer, in-to ffre and perpetuell almes, with all þe ryȝght that longeth to þe same mede (with þe pertinences) [that] I haue or I had or Euer myȝght haue, well and in peece, ffrely and quietly, yeldyng þerof yerly to me and my heyres j. d. at Estur at Oseney for all seculer seruice exaccion custom Sevtes and Demaundes in all thynges þe which of my lond or for my londe may be axid, Savyng to þe chefe lorde of þe ffee the rent of v. s. in tyme of heying and to þe mower viij. d., þe which þe same chanons shall quyte. And I vmfrey and my heyres all þe forsaide thynges to þe forsaide church and Chanons for Euer shall warantize agaynste all men and women, that, if, for Defaute of my warantyzing or my heyres, harmys or Expensis þey renne in, whe shall satisfye them by the syȝht of lawfull men of our oþer londis. And for þys yevyng grauntyng and warantizyng þe saide chanons yafe to me vj. marke of siluer. This charter was i-maade at Oseney att þe feste Seynte petur Ad uincula, The ȝere of þe reyne of Kyng Henry [Marginal note: 'Henricus 3, Rex Anglie.'] þe sone of Kyng John xxiij. And that this my ȝevyng grauntyng and warantiȝyng abide sure and stable for Euer, with this present wrytyng and puttyng to of my seele I haue i-strengthit hit. The witnyssis, et cetera.
[49.] Quyte-clayme of xxiiij. s. goyng owt of bolestake Mede & other parcelles.
1248, June 10. Surrender to Oseney, by Henry III, of rent|charges over Oseney property, viz., in Oxford|shire, out of Bulstake mead, 9s.; and out of meads at Bampton, 5s. and 3s. 4d.; and in Bucks, in Southcot, 6s. 8d.
HENRY, By the grace of god Kyng of Inglonde, lorde of Irlonde, Duke of Normandy, and Erle of Aungye, to all Baylyffes and his true men helth. Knowe ȝe vs in the waye of cheryte to haue i-relesid to thabbot and Couent of Oseney and þem quyte to haue i-claymed, for vs and our heyres for Euer, of xxiiij. s. ȝerly to be i-ȝelded of þe londes the which þey holden of oure [folio 14a] seriaunt Mys ['seriaunt Mys' in MS., in error for 'serjauntyes': 'de nostris seriantiis.'] , that is to saye, in Oxonforde-shire of þe mede of Bolestake withoute Oxonforde þat is of þe seriaunty of Gilbert of Mountes ix. s., And of A mede withoute Bampton þe which is i-callid Huntmede that is of þe seriauntye of Richard de la mare v. s. And of þe mede that is i-called
