The english register of Godstow nunnery, near Oxford : written about 1450 / edited with an introduction by Andrew Clark.

[Kalendar: (i) lunar, (ii) dominical, (iii) Roman, (iv) church.]

[folio 7] Ianuarius.

(1)

iij	A	KL	O Ihesu lorde! for þi Circumsicyon, [1. Circumcisic Do|mini.]
	b	iiij Ns	In þe begynnyng as of þe new ȝere,
xi	c	iij N	Kepe me euer from al confusyon.
	d	ij Ns	When þat I shal stonde at myne answere,
xix	e	Nonas	Lorde graunt me grace wel for to apere;
viij	f	viij Ids	And for þi worshipful Epyphanye, [6. Epiphania Do|mini.]
	g	vij Ids	Graunt þou me good lyfe, and wel for to dye.

(2)

xvj	A	vj Ids	Now pray for me, blessid Seynt lucyan, [8. Lucianus, Presb.]
v	b	v Ids	That I myght be hadde forth vnto ȝoure daunce,
	c	iiij Ids	There god reulith both angel and man
xiij	d	iij Ids	In right true loue with-outen variaunce.
ij	e	ij Ids	Ȝiffe me some comfort as of acqueyntaunce,
	f	Idus	Confessour and bisshop Seynt hillary, [13. Hilarius, Episc.]
x	g	xix Kls	With good Seynt felice þat ioyeth þe by. [14. Felix, Presb.]

(3)

	A	xviij Kls	O sacred abbot Maure! kepe me from vyce, [15. Maurus, Abbas.]
xviij	b	xvij Kls	With help of þe, pope and martir, Marcel. [16. Marcellus,P.etM.]
vij	c	xvj Kls	I pray þe teche me, blessid Seynt sulpice, [17. Sulpicius, Episc. et C.]
	d	xv Kls	With þat holy virgyn Prisce, syng nowel. [18. Prisca, Virgo.]
xv	e	xiiij Kls	O bysshop wlstan, ȝif me good councel, [19. Wulstan, E. et C.]
iiij	f	xiij Kls	And þese martirs Fabian and sebastian, [20. Fabianus et Se|bastianus, MM.]
	g	xij Kls	With þe virgyn Agnes þat wel help can. [21. Agnes, V. et M.]

(4)

xij	A	xj Kls	Sette my pacience, halowed vincent, [22. Vincentius, M.]
j	b	x Kls	That hit may grow with ynne my inwarde saule.
	c	ix Kls	Conuert þou us from al euel entent,
ix	d	viij Kls	Glorious conuersion of seynt Paule, [25. Conversio Pauli.]
	e	vij Kls	That we escape þe wikked fendes braule.
xvij	f	vj Kls	Help us, Seynt Iulyan! to be vnbound, [27. Iulianus, E. et C.]
vj	g	v Kls	With þe virgyn Agnes now þe secound. [28. Agnes (2nd com|memoration).]

(5)

	A	iiij Kls	Kepe us dayly from al maner of synne,
xiiij	b	iij Kls	Quene Batylde! in especyal from pryde: [30. Bathildis, Reg. et V.]
iij	c	ij Kls	Suffer us neuer for to dye þere-ynne.

[folio 7b] Februarius.

	d	KL	Ihesu! for þi holy virgyn Seynt Bryde. [1. Brigida, V.]
xj	e	iiij Ns	O puryfied lady, be now oure gyde. [2. Purificatio B.V.M.]
xix	f	iij Ns	Teche us to lyue wel, o bysshop Seynt Blase, [3. Blasius, E. et M.]
viij	g	ij Ns	For þis wrecchid lyfe is but as a mase.

(6)

	A	Nonas	Lede þou us, virgyn and martir Agas, [5. Agatha, V. et M.]
xvj	b	viij Ids	And þe bisshopes Vedast and Amand. [6. Vedastus et A|mandus, Episc.]
v	c	vij Ids	We walke now here in þis derkenes, alas!
	d	vj Ids	Teche us þe trouth for to vnderstond,
xiij	e	v Ids	Delyueryng us from the fendes bond.
ij	f	iiij Ids	Help þu us, holy virgyn Seynt scolast, [10. Scholastica, V.]
	g	iij Ids	Until þis short lyfe here be ouer past.

(7)

x	A	[ij] Ids	Be of good comfort and ioye now, hert myne:
	b	Idus	Wel mayst þu glade and verray lusty be.
xviij	c	xvj Kls	For, as I hope truly, Seynt valentyne [14. Valentinus, Episc. et M.]
vij	d	xv Kls	Wil schewe us loue, and daunsyng be with me.
	e	xiiij Kls	O virgyn Iulyan, I chese now the [16. Juliana, V. et M.]
xv	f	xiij Kls	To my valentyne, both with hert and mouth:
iiij	g	xij Kls	To be true to þe wold god þat I couth.

(8)

	A	xj Kls	I hope and trist to lerne for to pursewe
xij	b	x Kls	Aftur þese valentynes be metre.
j	c	ix Kls	I loue þem al wel, both olde and newe,
	d	viij Kls	With cathedracion [MS.—om.] of Seynt petre. [22. Cathedra Petri in Antiochia.]
ix	e	vij Kls	No more of loue y me entremetre.
	f	vj Kls	I pray þe now, apostil Seynt Mathye, [24. Mathias, Apost.]
xvij	g	v Kls	For cristes true loue I to lyue and dye.

(9)

vj	A	iiij Kls	O true valeyntyne is oure lord to me.
	b	iij Kls	Al his body on þe crosse he spredde,
xiiij	c	ij Kls	And for þat my soule his spouse shuld be.

[folio 8] Marcius.

iij	d	Kl	With his blode, Seynt dauid! he did me wedde: [1. David, Episc.]
	e	vj Ns	Pray for me now, with sacred Seynt Chedde, [2. Cedda, Episc.]
xj	f	v Ns	That I to hym my couenaunt wole holde
	g	iiij Ns	That for me was both bought and solde.

(10)

xix	A	iij Ns	In þis world here shul not we longe ben;
viij	b	ij Ns	Vn-to a noþer contrey we ben bought.
	c	Nonas	Now pray for us, moost holy virgyn! [7. Perpetua et Felicitas, VV. et MM.]]
xvj	d	viij Ids	That in oure wey no wise we erre nought,
v	e	vij Ids	But al oure werkes both in worde and þought
	f	vj Ids	Be made so plesaunt vnto þi hyȝe spouse
xiij	g	v Ids	That we may ben seruantes in his hyȝe house.

(11)

ij	A	iiij Ids	O holy doctour, blessid pope Gregour! [12. Gregorius, Papa.]
	b	iij Ids	That sendist seynt Austyn in to Englonde,
x	c	ij Ids	In my temptacion I may fynde socour
	d	Idus.	By comfort of þi moost gracyous soonde:
xviij	e	xvij Kls	But ȝit by þi writyng I vndurstonde
vij	f	xvj Kls	That al þis wrecchid lyfe is here ful harde.
	g	xv Kls	Now pray for us, blessid kyng Seynt Edwarde. [18. Edwardus, R. et M.]

(12)

xv	A	xiiij Kls	We ben ful myche dayly in goddes dette;
iiij	b	xiij Kls	Good bisshop Cuthbert, pray þu now for us; [20. Depositio Cuth|berti.]
	c	xij Kls	And þou holy Abbot, good Seynt Benette, [21. Benedictus, Abbas,]
xij	d	xj Kls	Help whyle we stond in þe myre now þus,
j	e	x Kls	That oure good lord now, swete ihesus,
	f	ix Kls	May make us þerof a mytigacion
ix	g	viij Kls	In reuerence of his Annunciacion. [25. Annunciatio Do|minica.]

(13)

	A	vij Kls	O blessid lady! with þis Emanuel [Rubricated in error.] ,
xvij	b	vj Kls	Now for his glorious Resurreccion, [27. Resurrectio Do|minica.]
vj	c	v Kls	Helpe us, with þine angel Gabriel [28. Gabriel, Arch|angel.]
	d	iiij Kls	For his worshipful salutacion,
xiiij	e	iij Kls	And for his mervelous incarnacion
iij	f	ij Kls	Which þat wrought was þorgh þe holigost.

[folio 8b] Aprilis.

g

Kl

Kepe us, lady, vnder þi blessid ost.

(14)

xj	A	iiij Ns	Now thenke on gentil oft chose [Sic.] ,
	b	iij Ns	For þe riȝt good prayer of Seynt Richard, [3. Ricardus, Ep.et C.]
xix	c	ij Ns	And for þe huge loue of doctour Ambrose, [4. Ambrosius, Ep. et C.]
viij	d	Nonas.	For þis world is now ful fals and hard.
xvj	e	viij Ids	Turne not, swete lady, þi chere a-wayward,
v	f	vij Ids	For, al þogh þat we ryȝt synful be,
	g	vj Ids	The more nede, lady! haue we now to þe.

(15)

xiij	A	v Ids	Who spareth to speke, he spareth to spede:
ij	b	iiij Ids	Therfor we aught to cry, both day & nyght,
	c	iij Ids	Now helpe us, good lady! in oure nede,
x	d	ij Ids	For þi halowed son ys ful of myght.
	e	Idus.	Of the blessid sonne-beem ȝeue us summe light,
xviij	f	xviij Kls	For Seynt Tyburce and for Valerian, [14. Tiburtius, Vale|rianus, MM.]
vij	g	xvij Kls	And shew us þu art a gentil woman.

(16)

	A	xvj Kls	Whiles þat I lyue, y wil no wyse sese
xv	b	xv Kls	To crye on hym þat ys my souerayn lege.
iiij	c	xiiij Kls	Halowed kyng Ihesu! now sende us pese,
	d	xiij Kls	For þe holy prayer of Seynt Alphege. [19. Alphegus, M.]
xij	e	xij Kls	I wil now me walke from sege to sege,
j	f	xj Kls	And pray to help me now euery saynt,
	g	x Kls	For vn-to hym I made þere my complaynt.

(17)

ix	A	ix Kls	O sacred Seynt George! oure lady knyght, [23. Georgius, M.]
	b	viij Kls	To þat lady þu pray now for me.
xvij	c	vij Kls	Ȝeueth me, Seynt Marke! some goostely sight [25. Marcus, Evang.]
vj	d	vj Kls	Þat I may my self þe bettur to se.
	e	v Kls	Alas! myne yȝe is blynd in his degre,
xiiij	f	iiij Kls	But ȝitte y pray þe, marter Seynt vital, [28. Vitalis, M.]
iij	g	iij Kls	Helpe me to lyue wel when þat I dye shal.

(18)

A

ij Kls

And ȝe two apostelis, now both in fere,

[folio 9] Mayus.

xj	b	Kl	Philip and Iacob! maken mencyon [1. Philippus et Iacobus, Apost.]
	c	vj Ns	To god of us al in ȝoure good prayere.
xix	d	v Ns	Now, for the holy Crosse Inuencyon, [3. Inventio Crucis.]
viij	e	iiij Ns	Heuen blisse we axe for oure pension,
	f	iij Ns	Thorgh meryte of þy dyuyne Ascencion,
xvj	g	ii Ns	With þe helpe of Seynt Iohn at porte latyne. [6. Iohannes ante Portam Latinam.]

(19)

v	A	Nonas.	Now, glorious seynt Iohn of Beuerlay, [7. Iohannes de Beverlaco.]
	b	viij Ids	I pray þe hertely draw not a-bache:
xiij	c	vij Ids	Gadre us floures of heuenly maye,
ij	d	vj Ids	With martyrs Gordian and Epimache, [10. Gordianus et Epimachus, MM.]
	e	v Ids	And cureth þer-with oure grete soules ache.
x	f	iiij Ids	Now Nerei, Achille, And Pancrace, [12. Nereus, Achilleus, Pancratius, MM.]
	g	iij Ids	Seyth forȝeuenesse as of oure trespace.

(20)

xviij	A	ij Ids	Good seyntes! make ȝe al oure soules hole
vij	b	Idus.	A-ȝenst þe hyȝe fest as of Pentecost,
	c	xvij Kls	Þat we ben cladde in a snow-whyȝt stole
xv	d	xvj Kls	Thorgh þe vertue of þe holy goost.
iiij	e	xv Kls	He us comfort, þat is of myghtes moost,
	f	xiiij Kls	With þe holy prayers of seynt Dunston, [19. Depositio Dun|stani.]
xij	g	xiij Kls	For with-out hym forsoth wytte haue we noon.

(21)

j	A	xij Kls	God, þat is but one in persones thre,
	b	xj Kls	Holy Trynyte, with-oute begynnyng,
ix	c	x Kls	Sende us such grace þat we saued may be
	d	ix Kls	When we shal passe at þis lyues endyng.
xvij	e	viij Kls	Helpe us, Seynt Aldelme, for oure amendyng, [25. Depositio Ald|helmi.]
vj	f	vij Kls	With þe feste of corpus Christi; and Seynt Austyne, [26. Augustinus, An|glorum Apost.]
	g	vj Kls	Which þat taught us, to his feyth enclyne.

(22)

xiiij	A	v Kls	O þou blessid bysshop Seynt German, [28. Germanus, Ep. et O.]
iij	b	iiij Kls	I pray þe my petycyon fulfyl.
	c	iij Kls	I pray þe same as hertily as I can.
xj	d	ij Kls	Helpe us, gentil virgyn, Seynt Petronyl! [31. Petronilla, V.]

[folio 9b] Iunius.

	e	Kl	Also, Seynt Nichomede! I pray þy good wille. [1. Nicomedes, M.]
xix	f	iiij Ns	Teche me ȝoure daunce, Marcellyne and petre! [2. Marcellinus et Petrus, MM.]
viij	g	iij Ns	To whom I syng with þis sympul metre.

(23)

xvj	A	ij Ns	I cry vn-to ȝow now, al on a rowe,
v	b	Nonas.	In special to martyr Boneface [5. Bonifacius et socii.]
	c	viij Ids	With al þi felowes, both hyȝe and lowe,
xiij	d	vij Ids	That ȝe gete to us repentaunce and space.
ij	e	vj Ids	Medard and Gildard, now where is ȝour grace? [8. Medardus et Gildardus.]
	f	v Ids	Prayeth for oure synnes, with [Seynt Edmund], [9. Translatio Ed|mundi, R. et M.]
x	g	iiij Ids	And aftur þis lyfe to haue þe secund.

(24)

	A	iij Ids	Now, blessid Seynt Barnard [Sic in MS.] ! for us þou pray, [11. Barnabas, Apost.]
xviij	b	ij Ids	With þe good Batylde [Sic in MS.] , þe martyr and preste, [12. Basilides, M.]
vij	c	Idus.	That we be cloþed al in ȝoure aray,
	d	xviij Kls	Where as he sitteth at his ryal feste.
xv	e	xvij Kls	Kepe ȝoue, now I pray ȝoue, Vite and Modeste, [15. Vitus et Mo|destus.]
iiij	f	xvj Kls	Cyryce and Iulytte, kepe us fro þe wulfe; [16. Ciricus et Iulitta, MM.]
	g	xv Kls	And lyght oure goost eclipsed, Seynt Botulfe. [17. Botulphns, Abbas.]

(25)

xij	A	xiiij Kls	Prayeth for us, Marcellyan and Marke, [18. Marcus et Mar|cellianus.]
j	b	xiij Kls	Wyth Geruase and Prothase, martyrs ylkone. [19. Gervasius et Prothasius.]
	c	xij Kls	This world now, Seynt Edward! wexyth darke, [20. Translatio Ed|wardi, R. et M.]
ix	d	xj Kls	For oure ynward syght ys al-most a-gone.
	e	x Kls	Lede us, oure first martyr, Seynt Albone. [22. Albanus, Proto|martyr Angliae.]
xvij	f	ix Kls	Etheldrede of Ely, I pray now helpe me, [23. Etheldreda, V.]
vj	g	viij Kls	Wyth Seynt Iohn Baptist þe natiuite. [24. Nativitas Iohan|nis Bapt.]

(26)

	A	vij Kls	Bryng us mydsomer of heuenly blys,
xiiij	b	vj Kls	I pray ȝow, martyrs both, Paule and Iohn; [26. Iohannes et Paulus, MM.]
iij	c	v Kls	Wherof gladsom myrth we shal not mys,
	d	iiij Kls	For þat Leo pope endureth al one. [28. Leo.]
xj	e	iij Kls	Now Petre and Paule, I trist ȝow vpon; [29. Petrus et Paulus, Apost.]
	f	ij Kls	And Seynt Paule þi commemoracyon. [30. Commemoratio Pauli.]

[folio 10] Iulius.

xix

g

Kl

Helpe us euer to oure saluacyon,

(27)

viij	A	vj Ns	O ȝe martirs Martynyan and Processe! [2. Processus et Martinianus.]
	b	v Ns	Now al oure floures begynneth to fade;
xvj	c	iiij Ns	In þis erth, Martyn, is but wrecchidnesse, [4. Translatio Martini.]
v	d	iij Ns	Syth þat Adam [Rubricated in error.] put þer-on his spade.
	e	ij Ns	Now mercyful god, þat al þinges hath made,
xiij	f	Nonas.	For þe translacyon of Seynt Thomas [7. Translatio Thomae, M.]
ij	g	viij Ids	Bryng us ones to his endeles solace.

(28)

	A	vij Ids	Lo now, tyme passith of chyrry fayre;
x	b	vj Ids	Therfor I pray ȝou þen, Brethren seuyn, [10. Septem Fratres Martyres.]
	c	v Ids	That I may be one of Benet ys heyre, [11. Translatio Bene|dicti, Abb.]
xviij	d	iiij Ids	Where ȝe ben yn Relyques of heuyn.
vij	e	iij Ids	Ientyl broþer Ihesu! bryng us þer euyn:
	f	ij Ids	That were to me a gracyous fortune.
xv	g	Idus	Now help þe holy bysshop Swithune. [15. Translatio Swithuni.]

(29)

iiij	A	xvij Kls	I mette a-while with blessid Seynt Botulphe:
	b	xvj Kls	Now, sacred Seynt Kenelme! with þe I mete, [17. Kenelmus, R. et M.]
xij	c	xv Kls	Prayng þe with hert, þis Seynt Arnulphe, [18. Arnulphus, R. et M.]
j	d	xiiij Kls	Bryng me to þat mery daunsyng so swete.
	e	xiij Kls	A! gentyl mayden, O Seynt Margarete, [20. Margareta, V. et M.]
ix	f	xij Kls	And noble Praxede, lete me bere ȝoure trayne, [21. Praxedes, V.]
	g	xj Kls	And ȝoure also, Lady Magdalayne. [22. Maria Magdalena.]

(30)

xvij	A	x Kls	Seynt Appollinare, teche me ȝoure games. [23. Apollinaris, Ep. et M.]
vj	b	ix Kls	Make us, Seynt Crystyn! heuenly lepars. [24. Christina, V. et M.]
	c	viij Kls	Lete us dispute with þe, good Seynt James; [25. Iacobus, Ap.]
xiiij	d	vij Kls	Bryng us to Seynt Anne to oure versepars. [26. Anna, mater Mariae.]
iij	e	vj Kls	Make us to study, þe seuen slepars; [27. Septem Dormi|entes.]
	f	v Kls	Lede us, Seynt Sampson, to þe hyȝe scoles, [28. Samson, Episc.]
xj	g	iiij Kls	For þedir, Felyce! comen no foles. [29. Felix, M.]

(31)

xix	A	iij Kls	O Abdon and Sennen! I me redresse. [30. Abdon et Sennes, MM.]
	b	ij Kls	Good Seynt German, bring us to heuen blys. [31. Germanus, Ep. et C.]

[folio 10b] Augustus.

viij	c	Kl	The bondes of Seynt petur of lammesse [1. Petrus ad Vincula (Lammas).]
xvj	d	iiij Ns	Vnbynde us, blessid pope Steven! [2. Stephanus, Papa et M.]
v	e	iij Ns	And, sacred Stephen deken, [3. Inventio Stephani, Diaconi et Proto|martyris.]
	f	ij Ns	Help with þi merytes many afolde,
xiij	g	Nonas.	With þis kyng and martir Seynt Oswolde. [5. Oswaldus, R. et M.]

(32)

ij	A	viij Ids	Seynt Sixte þe pope, for goddes loue and sake, [6. Sixtus, P. et M.]
	b	vij Ids	With Donate Bysshop, do þi diligence. [7. Donatus, Ep. et M.]
x	c	vj Ids	And with þi felowes, Seynt Cyriake, [8. Cyriacus, M.]
	d	v Ids	With Seynt Romane, helpe þou oure conscience. [9. Romanus, M.]
xviij	e	iiij Ids	O þow worthy martir Seynt Laurence, [10. Laurencius, M.]
vij	f	iij Ids	Pray for us now, with þis Seynt Tyburce: [11. Tyburtius, M.]
	g	ij Ids	I hope now hit wil be neuer þe wurse.

(33)

xv	A	Idus.	Seynt ypolyte, here my peticyon, [13. Hypolitus cum sociis.]
iiij	b	xix Kls	With Seynt Euseby, the holy confessour. [14. Eusebius, Presb.]
	c	xviij Kls	Now, lady! for þyne hyȝe Assumpcyon, [15. Assumptio B. V. M.]
xij	d	xvij Kls	Ȝeue us þi hande, and þi holy socour,
j	e	xvj Kls	That we nowe mowe styȝe in-to þi hyȝe toure,
	f	xv Kls	Where þat glorious Seynt Magne is with þe. [18. Magnus]
ix	g	xiiij Kls	Lady in octavis, only socour me. [19. Quinta dies infra Octavas Assum|ptionis.]

(34)

	A	xiij Kls	To my valentyne, lady! I chese þe,
xvij	b	xij Kls	Whom þat I wyl chaunge neuer for no newe.
vj	c	xj Kls	Now pray for me, halowed Seynt tymothe, [22. Timotheus, Ep. et C.]
	d	x Kls	To my lady þat I euer be trewe.
xiiij	e	ix Kls	Help me nowe I pray þe, Seynt Bartilmewe, [24. Bartholomaeus, Ap.]
iij	f	viij Kls	So worthy apostil as þow art one,
	g	vij Kls	For better helpe þan prayer can I none.

(35)

xj	A	vj Kls	Helpe us, Seynt Ruphe, þe martir of crist; [27. Ruphus, M.]
xix	b	v Kls	And Seynt Austyn, þe worthy hyȝe doctour, [28. Augustinus, Ep. et Doctor.]
	c	iiij Kls	With Decollacyon of Seynt Iohn Baptyst: [29. Decollatio Ioh. Bapt.]
viij	d	iij Kls	Seynt Felice! pray Ihesu chryst, oure saviour, [30. Felix, M.]
	e	ij Kls	With blessyd Seynt Cuthburge, þat virgyn flour, [31. Cuthberga, V.]

[folio 11] September.

xvj	f	Kl	So þat we may daunse with holy Seynt Gyle, [1. Aegidius.]
v	g	iiij Ns	In heuen an hyȝe aftir þis litul whyle.

(36)

	A	iij Ns	Al þis world ys ful of care and pyne:
xiij	b	ij Ns	Now pray for us, holy bysshop Seynt Cuthbert, [4. Translatio Cuth|berti.]
ij	c	Nonas.	With þe holy Abbot Seynt Bertyne, [5. Bertinus, Abbas.]
	d	viij Ids	That we may now gracyously astert.
x	e	vij Ids	Ȝitte I pray to þe, with al myne hert,
	f	vj Ids	Lady! for þi ioyful Natyuyte, [8. Nativitas B. V. M.]
xviij	g	v Ids	That, with Seynt Gorgone, þow þenke on me. [9. Gorgonius, M.]

(37) [10. Tertia dies infra Octavas Nat. B. V. M.]

vij	A	iiij Ids	Souerayn lady! þyne Vtas we done holde [11. Prothus et Hya|cinthus, MM.]
	b	iij Ids	With Prothe and Iacincte, A commemoracyon.
xv	c	ij Ids	Muche grace of the, lady! haue I herde tolde:
iiij	d	Idus.	Now helpe, lady! in oure temptacyon.
	e	xviij Kls	For þy holy Crosse Exaltacyon, [14. Exaltacio Crucis.]
xij	f	xvij Kls	Pray for us now, martyr, atte oure moost nede,
j	g	xvj Kls	With virgyn Edythe, for þe bettyr spede. [16. Editha, V.]

(38)

	A	xv Kls	Now, þow bysshop and martyr, Seynt lambert! [17. Lambertus, Ep. et M.]
ix	b	xiiij Kls	Pray here for us al to swete Ihesu Crist
	c	xiij Kls	That he pourge and clense oure soules and hert
xvij	d	xij Kls	Fro al wikked, synful, and derkely myst.
vj	e	xj Kls	Help us, Seynt Mathew þe euaungelist, [21. Matthaeus, Ap. et Evang.]
	f	x Kls	And al þi felowes of Seynt Mauryce, [22. Mauricius, M., et socii.]
xiiij	g	ix Kls	With þe virgyn Tecle, to take a spyce. [23. Tecla, V.]

(39)

iij	A	viij Kls	That heuenly spyce hit is ful swete:
	b	vij Kls	Help us þerof, good bysshop Fermyne. [25. Firminus, Ep. et M.]
xj	c	vj Kls	Sacred Cipriane, ȝif hit wold be gete, [26. Cyprianus.]
xix	d	v Kls	With Cosme and damiane wold I dyne. [27. Cosmas et Da|mianus, MM.]
	e	iiij Kls	Lede us þederward, as ryght as a lyne,
viij	f	iij Kls	Seynt Myghel! To þat heuenly kyngdome, [29. Michael.]
	g	ij Kls	Helpyng þe holy doctour Seynt Ierome. [30. Hieronymus, Presb.]

[folio 11b] October.

(40)

xvj	A	Kl	Now, holy Seynt Remyge! with al angeles, [1. Remigius, Ep.]
v	b	vj Ns	Thorgh þe prayer of Seynt Leodegare, [2. Leodogarius, Ep. et M.]
xiij	c	v Ns	Bringe us now from al wrecchidnesse,
ij	d	iiij Ns	Beyng ful of synne, wrecchid sorow, and care.
	e	iij Ns	I wyl not loue þis world; I wil be wel ware:
x	f	ij Ns	For me hit is tyme as to leue þat warke,
	g	Nonas.	By help of ȝow, martirs, Marcelle and Marke! [7. Marcus. P.; Mar|cellus, M.]

(41)

xviij	A	viij Ids	I wyl be as stedfast as any stone.
vij	b	vij Ids	Helpe, with þi felowes, Seynt Dyonyse, [9. Dionysius, Rusti|cus, et Eleuthe|rius, MM.]
	c	vj Ids	So þat I may dwelle with Seynt Gerone, [10. Gereon, M.]
xv	d	v Ids	And with Seynt Nichase, in hyȝe paradyse; [11. Nicasius, Ep. et M.]
iiij	e	iiij Ids	For of þis lyfe I sette ful litul pryce.
	f	iij Ids	I pray þe, Seynt Edward, confessour and kyng, [13. Translatio Ed|wardi, R. et Conf.]
xij	g	ij Ids	That I may with Kalyxte both hoppe and syng. [14. Calixtus, P. et M.]

(42)

j	A	Idus.	Teche me þe way, glorious Seynt Wolfran! [15. Wulfran, Ep.]
	b	xvij Kls [MS. has Ids in error.]	To Myghel in þe mount wold I ryde: [16. Michael in Monte Tumba.]
ix	c	xvj Kls [MS. has Ids in error.]	Flessh is my hors, sowle ys þe man.
	d	xv Kls [MS. has Ids in error.]	I pray þe, Seynt Luke! for to be my gyde. [18. Lucas, Evang.]
xvij	e	xiiij Kls [MS. has Ids in error.]	Helpe me, Ientyl virgyn, Seynt Fryswyde, [19. Fredeswitha, V.]
vj	f	xiij Kls [MS. has Ids in error.]	One of þe floures here of Englond,
	g	xij Kls [MS. has Ids in error.]	With al holy virgyns Eleuen þowsond. [21. Undecim Millia Virgines.]

(43)

xiiij	A	xj Kls	That was a present made, al in a day,
iij	b	x Kls	Ful worthy to god, Seynt Romaman. [23. Romanus, Archiep.]
	c	ix Kls	Hys floures, in october as wel as I[n] may,
xj	d	viij Kls	God gaderyth, Seynt Cryspyn and Cryspynian. [25. Crispinus et Crispinianus.]
xix	e	vij Kls	Some of þem fadeth and wexith al wan.
	f	vj Kls	Why? for her maners be so lewde and rude,
viij	g	v Kls	But prayeth for us now, Symon and Iude. [28. Simon et Iudas, Apost.]

(44)

	A	iiij Kls	I chese al seyntes to my valentyne;
xvj	b	iij Kls	Trewly I hold hit ryght as for þe beste.
v	c	ij Kls	Teche us for to Daunse, blessid Seynt Quyntyne. [31. Quintinus, M.]

[folio 12] Nouember.

	d	Kl	With Al halowen, in þis moost hyȝe feste, [1. Festum Omnium Sanctorum.]
xiij	e	iiij Ns	Al Cristen sowles God ȝeue þem good reste [2. Commemoratio Animarum.]
ij	f	iij Ns	A-bydyng hys mercy in purgatory,
	g	ij Ns	Suffryng for her synnes peynes bitturly.

(45)

x	A	Nonas.	Lord Ihesu Christ! þo peynes ben ful scharpe,
	b	viij Ids	Now, Seynt leonard, Helpe us þerfore; [6. Leonardus, Abbas.]
xviij	c	vij Ids	Make þem easy with þy moste dowcet harpe:
vij	d	vj Ids	And þe Foure crowned I pray ȝow euermore, [8. Quatuor Coronati Martyres.]
	e	v Ids	Helpyng with þy sawtry, Seynt Theodore! [9. Theodorus, M.]
xv	f	iiij Ids	That hit may aswage some-what oure grete peyne,
iiij	g	iij Ids	With þe prayers of holy Seynt Martyne. [11. Martinus, Ep. et C.]

(46)

	A	ij Ids	For þis holy daunce, mynstralcy ys goode:
xij	b	Idus.	Now, Seynt Bruce! helpe with þy sownded lute. [13. Bricius, Ep. et C.]
j	c	xviij Kls	That cryste wassh me with his precyous blode,
	d	xvij Kls	Pray for us now al, sacred Seynt Machute! [15. Machutus, Ep. et C.]
ix	e	xvj Kls	Edmunde of Pounteney, now in ȝoure sute [16. Edmundus, Archiepiscopus.]
	f	xv Kls	I wold þat I were, with sacred Seynt Hewe, [17. Hugo, Ep. et Conf.]
xvij	g	xiiij Kls	Wheþer hit were coloure whyte, rede, or blewe,

(47)

vj	A	xiij Kls	I wold be cloþed in cristemasse lyueray:
	b	xij Kls	Helpe me þer-to, holy Edmund þe kyng. [20. Edmundus, R.]
xiiij	c	xj Kls	Of al þat huge feste þere ys but a day,
iij	d	x Kls	Where þat Seynt Cecily ys euer beyng, [22. Cecilia, V. et M.]
	e	ix Kls	And þere Seynt Clement ys euer enduryng. [23. Clemens, P. et M.]
xj	f	viij Kls	Bring me þere, Crysogone, with my valentyne, [24. Chrysogonus, M.]
xix	g	vij Kls	So þat I may daunse with Seynt Kateryne. [25. Katherina, V. et M.]

(48)

	A	vj Kls	Ȝeue me þy blessid hond, Seynt Lyne þe pope, [26. Linus, P. et M.]
viij	b	v Kls	Wold god I cowth þy steppes wel to sewe!
	c	iiij Kls	Helpe me to daunse in þy halowed cope,
xvj	d	iij Kls	With Seynt Saturne, þe martyr ful trewe. [29. Saturninus.]
v	e	ij Kls	Pray for us þen, Apostel Seynt Andrewe, [30. Andreas, Ap.]

[folio 12b] December.

xiij	f	Kl	As a-ȝenst oure lordes Secund aduent
[ij]	g	iiij Ns	So at domes day þat we be not shent.

(49)

	A	iij Ns	A! lord Ihesu Christ! to þe now I cry,
x	b	ij Ns	Whome þis þat we we [Misreading, for 'Whome 'tis that we offend.'] offende with synnes, Alas!
	c	Nonas.	Lord! haue mercy, for þy moder mary,
xviij	d	viij Ids	And also for þe loue of Seynt Nicholas. [6. Nicolaus, Abbas.]
vij	e	vij Ids	As truly, lord! as she þy moder was
	f	vj Ids	Kepte from fylthed in her Concepcyon, [8. Conceptio B.V.M.]
xv	g	v Ids	Wassh us from synne with þy swete passyon.

(50)

iiij	A	iiij Ids	Saue, lord! þy blessid spowse, holy church,
	b	iij Ids	From erroures and heresyes þat doon spryng;
xij	c	ij Ids	And tech with feyth truly for to wurch,
j	d	Idus.	With deuoute Seynt Lucy, þyn own derlyng. [13. Lucia, V. et M.]
	e	xix Kls	Graunt us þyne hert as for to ioye and syng,
ix	f	xviij Kls	With al oþer seyntes in þy presence,
	g	xvij Kls	Thy worthy so grete song, O sapience. [16. O Sapientia!]

(51)

xvij	A	xvj Kls	Kepe al þy peple which þat ben on lyue,
vj	b	xv Kls	Them especyal þat I haue of mynd,
	c	xiiij Kls	And al good sowles þat with þy woundes fyue
xiiij	d	xiij Kls	Whoom hit pleasith þe from peynes vnbynde.
iij	e	xij Kls	Graunt us for to be with Thomas of ynde. [21. Thomas, Ap.]
	f	xj Kls	A curyous caral þis Crystemasse
xj	g	x Kls	As to syng nowel when þat we hens passe.

(52)

xix	A	ix Kls	Lo! now ys come þe moost glorious feste,
	b	viij Kls	The holy Natyuyte of oure lorde. [25. Nativitas Domini.]
viij	c	vij Kls	Goode Stephen, make us al, moste and leste, [26. Stephanus, Protomartyr.]
	d	vj Kls	With Seynt Iohn, in vertues to acorde [27. Iohannes, Ap. et Evang.]
xvj	e	v Kls	That we may sitte at Innocentes borde, [28. Innocentes, MM.]
v	f	iiij Kls	With Thomas of Caunturbury, oure frende. [29. Thomas, Archiep. et M.]
	g	iij Kls	Now saue us, fader! with, oure flessh, þy worde,
xiij	A	ij Kls	For Seynt Siluester loue, at oure laste ende. [31. Silvester, P. et Conf.]