Ȝyf hyt so betyde þat hyt lasteþ [laste O, so be it l. D.] ay,
Þy medë [song D.] shal be welaway.
Ȝyf þou amende hyt nat yn þy lyue,
what [qwat D.] prest may þe þer-of shryue?
Line 2376
Now telle we forþe, þat ȝe [we D.] may lere,
how þeftë comþ [comyþ OD, & on qwat m. D.] yn queynt manere:—
Ȝyf þou [þat þou D.] euer þy werke withdrowe,
Or dedyst hyt nat weyl to [dede it not wel to þe ful D.] prowe,
Line 2380
Tyde or tyme þat þou shuldest [shust O, qwhan þou schal D.] werche,
'Þou art a þefe,' seyþ holy cherche.
Ȝyf þou do custummablyche swych [þys OD.] lak,
To begyle [falsyn D.] þy mayster be-hynde hys bak,
Þou mayst nat excuse þe with rous, [proud wordys] [must not defende þe with ros D.]
Line 2385
And sey, 'al þe worlde so dous.' [þowh al þe wyde word so gos D.]
Þe worldë may nat sauë [word may not sauyn D.] þe:
Shryue [amende . . word D.] þy defaute, and late þe world be.
Ȝyf þe be leyde a borde [þou ley ony hurd D.] to wedde,
Line 2389
Or a cloþe to bak or bedde,
Ȝyf þou hyt vse aȝens hys [her D.] wylle,
holy cherche seyþ þat þou dost [doust O, þou dost (om. þat) D.] ylle, [yl O, wil . . . il D.]
And warneþ þe þerof ȝyt efte,
Line 2393
Þat hyt ys boþe okyr [gowl D.] and þefte.
Okur [goul D.] hyt ys, for þe outrage
To take þy catel, and haue [haue, om. D.] auauntage;
And for þefte, he may þe greue [folio 16b:2]
Line 2397
To vse hys þyng aȝens hys leue;
And ȝyf hyt be so þat þus ys [be sueche forth D.] gone,
Charyte ne cristyndome [trewe charyte D.] ys þer none.
Line 2400
Þyn euencristyn þou owyst to lene, [releue or relene D.]
Ȝyf þou mayst spare hyt, [hyt, om. D.] þat y mene.
Also, [As D.] ȝyf a þyng be þe lent
