Þat þou saue þe, boþe [þou loue boþe þi D.] soule & lyff. [lyffe.]
Line 1236
Loue fadyr & modyr, þat þe forþe [furþ O, forth D.] brouȝt,
Þenk on þat loue whan þey may nouȝt. [her loue qwan þei moun nat D.]
Seynt poule þat sagh [Poule saw D.] goddys pryuyte,
he [& D.] seyþ yn hys autoryte
Line 1240
A feyrë wurd [feyr wrde O, fayr wurd D.] vs for to saue,
And specyaly to hem [þo D.] þat chyldryn [chyldyr O.] haue:
He seyþ "be ȝe neuer so fole hardy
To curse [kurse O, waryen D.] ȝoure chyldryn byttyrly;
Line 1244
Ne greuusly, for lytyl [no D.] trespas,
Betechë hem [be-take hem not D.] to satanas."
Moche ys ȝour malysun [mechil is ȝoure maleys for D.] to drede;
Curseþ hem noght; [cursith not D.] y ȝow forbede.
Line 1248
Oft [Ofte O.] haue men boþe herde & see [Oftyn man hau herd & sen D.]
Þat moche veniaunce þerfor haþ bee. [mechil . . . ben D (om. þat).]
For to leue ȝoure cursyng [ȝour cursynge O, ȝoure bannyng D.] bolde, [A tale.]
Y shal ȝow telle what [þat D.] me was tolde
Line 1252
Of a prest þat sagh and fonde [saw & fond D.]
Þys chauncë yn [be-fil in D.] þe holy londe.
[The Tale of the Mother who curst her Child.]
A womman on a day ful raþe
Line 1255
Ȝede to a watyr here [hir D.] for to baþe,
And to[ke] [bad D.] here doghtyr here cloþys to kepe, [cloþis kepe D.]
And baddë here [bade here þat O, chargid hir D.] she shuld nat slepe;
"But, as sone as y þe kalle,
Be redy with my cloþys alle."
Line 1260
whan [qwan D.] she was baþed, she kalled [calde O, callyd D (om. her).] here faste,
And bade here brynge here cloþys [bad bryngyn hir cloþis to hir D.] yn haste.
