Þan were hyt aȝens þe feyþe to werche,
Eftesones [Eftsone.] to baptyse [baptyse O, baptysed H.] hyt at cherche;
But ȝyf þou suppose þyr fayleþ a poynte
Þat to þe crystendom shuld a-mounte,
Þan were hyt nat for to drede
Line 9689
For to fulfyl þat shulde be nede;
For alle þe poyntes of watyr & creme,
Þurgh alle crystendom ys o bapteme,
Line 9692
O baptemë, and nat two,
Of alle þe [þo.] poyntes þat þou sest do.
Þarfore he þat ys ones baptysed,
Ones for euer ys; þus ys auysed.
Line 9696
Also, ȝe þat chyldryn heue,
ȝe shul nat forȝete ne leue
To teche hyt pater noster & crede;
Ȝyf ȝe ne do, hyt ys to drede.
Line 9700
To foly þou shalt nat drawe ne wone
Þy goddoȝtyr ne þy godsone,
Namely to þat vylayny
Þat falleþ vn-to lechery,
Line 9704
Ne to no foly þat may be;
Þou shalt teche hem synne to fle.
Ne nat be so fole hardy,
Þy goddoȝtyr to lye þe by,
Line 9708
Ne for to dwelle a-lone with þe,
For perel þat may falle and be.
Many a pryuy peryl þyr ys,
And specyaly yn drunkenes;
Line 9712
yn drunkenes men wyl rage,
And, ragyng wyl reyse korage;
And sonë may a man be shent [folio 64b:2]
Þat doþe aȝens þe comaundement.
Line 9716
Seynt Gregory telleþ yn hys spelle
Of swyche a shame þat onës felle.
