For sacrylage, alle þys ys tolde,
Line 9479
Þat vesselment of cherche ys wyþholde,—
Chaleys, cloth, boke, or lome, [LOOME or instrument, utensile, instrumentum. Prompt. Parv.] —
For sacrylage cumþ ofte hard dome;
yn alle þe poyntës seyd before,
Þat fro holy cherche, oght haþ bore,
Line 9484
Or aght mysdo on any wyse
Þat longeþ vn-to þe fraunchyse,
Y or þou, yn any outrage,
we synne dedly yn sacrylage.
Line 9488
Gode ȝyue vs grace so to serue here [to serue so here.]
Holy cherche, oure modyr dere,
Here so to serue, and wurschyp make,
Þat we be hyre, and she vs take.
Line 9492
Here bygynne the Seuenþe [seuen.] Sacra|mentys of holy cherche.
Baptism
The fyrst sacrament ys holy bapteme,
Houe of watyr, and noyted [smerede.] with creme;
'Crystendom,' or 'crystynyng,'
Þat ys on englys, oure spekyng.
Line 9496
Crystendom, to cryst hyt longeþ,
And to alle þat crystendom vndyrfongeþ;
Þys ys þe fyrst and pryncypalle,
Þurgh þe whych we are saued alle;
Line 9500
Saued we are, þurgh crystendam,
Of þe heued synne of Adam,
yn whych synne alle mankynde ys bore,
Ȝyt, and shal be, and was byfore.
Line 9504
Adams synnë was so grefe,
Þat þyr was to God, none [noun to God.] so lefe,
Þyt he ne shulde to hellë gone
But he were wasshe yn þe fonte stone,
