For he helde hym self so holy,
Line 8548
And blamed oþer for here fallyng,'
"Þy lyfe hym þynkeþ ys wurþ no þyng;
To gode men ys hyt grete passyun
To fele þe fendes temptacyun;
Line 8552
And for he tempted [tempteþ.] þe noȝt here,
Yn ouþer stede þou shalt by [bye.] hyt dere;
Ne late þou nat lyȝtly by þo
Þat are tempted of flesshly wo,
Line 8556
But, þenk weyl þat þey are gode,
Ȝyf þey þat temptyng with-stode,
And are sykerer aftyr temptynges,
Line 8559
And kepe hem better with many þynges;
And ȝyt [ȝyt O, hyt H.] men sey God loueþ hem noȝt,
Þat haue no temptyng yn dede ne þoght.
Þys temptyng was for þy despyte [folio 57a:2]
Þat þou haddest of þe gode ermyte
Line 8564
whan he hys [hys O, om. H.] temptyng to þe shrofe,
And þy cumforte awey hym drofe."
At þys pas ['p' erased.] þys tale tolde ys
For temptacyons [temptacyun.] of mannys flesshe,
Line 8568
Þat none ne myscumforte hym
Þogh þat hys flesshe be brysl and brym.
So holy man was neuer none
Line 8571
Þat temptacyun ne hat [haþ.] hym ouergone,
were hyt lytyl, or were hyt mykyl,
Þat of hys flesshe ne haþ hadde sum prykyl;
And þo þat wyl be ryȝt certeyne,
Cumforte hem [hem O, hym H.] weyl to fyȝt aȝeyn,
Line 8576
For no man may yn certeyn be,
But he fyȝt flesshly lustys [lust.] to fle.
God graunte vs allë now fro heþen
Oure flesshë so to holde be-neþen, [byneþen.]
Line 8580
And oure soules so to save [haue.] aboue,
Þat God of heuene vs allë loue.
