Ryȝt many, and sum wel [ful.] grete.
So many arwes [arewes.] to hym he drogh,
Þat þe olde man felt temptyng ynogh;
Line 8516
Þe arwes were temptacyons,
And sharpë sterynges, and felons;
So many and smart, he hem hadde,
Þat he sate as he hadde be madde,
Line 8520
Þat wytte hadde lorë, as he sat,
Or was yn a were [wer.] to do sum-what.
Ar he aght seyd, ar dyd any dede,
Þe same weye þat þe ermyte ȝede,
Line 8524
Þat yche wey þe ermyte ȝede ynne [folio 57a]
To þe worlde, to do hys synne.
Þe abbot Appollo say [saghe.] euerydeyl;
And how he was temptede, he wyst hyt weyl,
Line 8528
And fonded for to take þe strete,
with þat olde man for to mete:
he seyd, "olde man! what dost þou here,
And why hast þou so mornyng chere?
Line 8532
whydyr hast þou þoght to go?
Be [By.] syȝt hyt semeþ þat þe were wo."
Þe oldë man seyd ryȝt noȝt,
But hyt ran hym weyl yn þoȝt
Line 8536
Þat þe abbot had [had O, om. H.] inspyracyun,
And wyst hys [hyt.] grete temptacyun;
For shame he myȝt nat telle how smart [smert.]
Þe temptyng þat come to hys hert;
Line 8540
But þe abbot wyst for certeyn,
And bad [bade O, had H.] hym to turne aȝeyn;
And shewed hym weyl for two þynges,
why þat he hadde no temptynges;
Line 8544
He seyd, 'þe fende of hym ne roȝte,
Ne hym to tempte aboutë soȝte,
Ne þoght hys lyfe so moche wurþy,
