Þyn ynwyt wote what þou hast wroght,
And whych ys synne, and whych ys noȝt;
Alle þese spyces þat y haue tolde,
On dyuers maners are synnës folde.
Line 8416
Ȝyf þy flesshë ofte aryse
Yn wyl or dede to many of þyse,
Þat þou mayst nat þy flesshë daunte,
Þat sum algate behoueþ þe haunte,
Line 8420
Be nat þarfor yn wanhope;
Alle may be quenchyde with a drope,
Ȝyf þou mayst for þy synnë grete, [O. gloss 'wepe.']
And be yn wyl hyt for to lete.
Line 8424
For many a gode man, olde and ȝonge,
haþ be yn flesshëly temptyng;
So was seynt Poule, þe holy man,
Line 8427
Hys flesshe was temptyde with Satan;
Seynt Benet was so, ȝe herde me telle, [p. 238.]
He was yn poynt to leue hys celle;
And ouþer men mo of relygyun
Haue be yn hard temptacyun;
Line 8432
But man behoueþ pryue [preue.] hys myȝt,
Aȝens hys ownë flesshe to fyȝt;
For ȝyf þou late hyt haue hys [þe.] wyl,
wyltou, neltou, [nyltou.] hyt wyl þe spylle.
Line 8436
And y shal telle here, ȝyf ȝe wyl,
A talë for þe [þys.] samë skylle, [skyl.]
Þat a man myshopë noght
Þogh he haue grete temptyng of þoght.
Line 8440
[The Tale of the tempted Hermit, or How we should never Despair.]
Seynt Gregory telleþ, for oure profyte, [A tale.]
How þyr was onys an ermyte:
Þys ermyte had grete temptyng
yn hys þoght, ouer alle þyng;
Line 8444
And as þys temptyng on hym ran,
