Þat trewþe dar she nat be a-knowe,
For drede þat she haþ loued so lowe.
Line 8380
Þurgh cunseyl of here frendys wylle,
She ys þan ȝyue a-noþer vntyl;
Y dar sey hyt hardyly, [hardyly O, hardly H.]
'Þat womman leueþ yn lechery;
Line 8384
And þat ychë man also
To whom she ȝaf fyrst trouþë to,
Ȝyf he any ouþer wedde,
Or with any go to bedde,
Line 8388
Ȝyf þey boþe wulde haue [ha.] do þat
Þat here mouþes to-gedyr spak,
And haue [ha.] fulfylled, at here myȝt,
Here pryue trouþë þat þey plyȝt.'
Line 8392
A wers[ë] spycë ȝyt men holdes,
To begyle a womman with wordys;
To ȝyue here trouþë but lyghtly
For no þyng but for lygge here by;
Line 8396
with þat gyle þou makest here asent,
And bryngest ȝow boþe to cumbrement.
Þarfore now y warne ȝow alle,
Man and woman, for þyng may falle,
Line 8400
Þat ȝe be neuer so fole-hardy
To ȝyue ȝoure trouþe [trouþe O, om. H.] so pryuyly,
Ne wommans trouþë for to take,
Ne trouþë ȝyue for weddyng sake,
Line 8404
Tyl holy cherche haue demyd ryȝt
wyþ lokyng of frendes syght.
Pryuytes manye falle þer [her.] -ynne;
Þyn ynwyt þe telleþ whych ys synne;
Line 8408
Sum pryuytes of lechery
Yn opun speche are vyleynye;
Þarfor wyl y nat hem alle descryue, [folio 56a:2]
But alle behoueþ vs þer-of shryue;
Line 8412
