A-noþer vyleynye þyr ys,
To do a womman synne þurgh stres:
Line 8344
Ȝyf a womman mete paráuenture
Yn pryuë stedë, a lechour,
Ȝyf he wyl do with here synne,
And she ne may a-weyë wynne
Line 8348
But she swerë oþys grym
A-noþer tyme to come to hym,
Or he makeþ here trouth-plyght
Anoþer tymë when she myȝt,
Line 8352
For þat trouþë, y answere
Þat no perel shal she bere;
She nat [ne.] synneþ nat dedly,
Hyt ys nó wyl, but maystry;
Line 8356
Better ys to skape with an oþe,
Þan synne dedly, and God be wrothe.
Here-of myȝt men mochë speke,
Of trouþë þat men alle day breke,
Line 8360
For, fals trouþës, and fykyl,
For lechery, are ȝyue mechyl.
Ȝyf þou a womman trouþë plyght
Out of holy cherchës syȝt;
Line 8364
Men oght nat so for to do
Þogh þat frendes consente þarto;
For holy cherche oght fyrst for to wyte [wete.]
Of here gederyng, ȝyf hyt may sytte
Line 8368
Of allë folës are þey fyles,
Þat gentyl wymmen begylys
with a trouþë of tresun
To reuë here, here warysun,
Line 8372
But she do by here ordynaunce [folio 56a]
Of hem þat shuldë here auaunce.
And a womman loueþ ofte yn pryuyte
Þat for here falleþ [falþ.] nat weyl to be;
Line 8376
Ȝyf she to þat ȝeueþ [ȝyfþ.] here treuþe,
Þat ys [ys to.] here ful mochë reuþe;
