And make men lagh at hys foly;
And þat ys nat þe synnë leste,
Auaunte þy synne to hym [hem.] þat þou sest.
Sodom sank, and Gomore,
Line 8309
For þey kryed here synne aywhore;
Þese twey cytees, boþe þey ['þey' omitted.] sank,
For þey hadde ioye at synne þat stank.
Feyrer hyt were, oure synne forhele,
Line 8313
Þan make auauntement þer-of to fele;
Þe apostle seyþ þys autoryte,
"Ȝyf þou be [art.] nat chaste, be þou pryue;"
Telle hyt þy prest, and to no mo;
Line 8317
For oþer tellyng, ys [ys O, hyt ys H.] boþe synne and wo.
Ȝyt ys þyr a specyal spece
Þat doþ leccherye klymbe by a grece:
Line 8320
who so wyllë ȝyftës ȝyue,
On lecheryë he may cleue; [clyue.]
For synne, no ȝyftys þou receyue;
Line 8323
For doute of gyle þou shalt hem weyue [forsake] ;
For whan a lechour haþ ȝyue hys mede,
Þan hopeþ he weyl þat he shal spede.
Y rede, ȝe wommen, ȝyueþ gode entent,
For medë ȝe wyl sone consent;
Line 8328
Many one for mede doþ ful euyl,
Men sey ofte 'mede ys þe deuyl.'
Ȝyt spekeþ he of a more tresun
Þat for lechery ys doun;
Line 8332
Ȝyf men or womman be so wylde
To fordo a getyng of a chylde
wyþ wurde or dede, syn hyt ys gete, [folio 55b:2]
with mete or drynk þat þey do ȝete, [þey ete.]
Line 8336
Or oþer strenkþë, þat hyt dye,
Þan þey doun ful grete folye;
with slaghter hast þou þere hyd,
Þat þy lecherye ys nat kyd;
Line 8340
Gretly yn euyl þou art coupáble
Yn twey synnës, and dampnáble.
