And she ys callede Seynt Iustyne,
Line 8269
A martyr and an holy vyrgyne.
Þys tale y tolde to ȝow aboute,
Þat ȝe ne dur no wycchecrafte doute,
Line 8272
Ȝyf þou be—þat ys to mene—
Yn beleuë gode, and lyfë clene.
who-so þurgh wycchëcrafte haþ tene,
Prey to God and seynt Cypryene
Line 8276
And to þe mayden Seynt Iustyne,
Þat þey delyuer hem [hym.] fro þat pyne.
Þarefore, þou man and þou wyfe,
Ȝyf þou be of clenë lyfe,
Line 8280
Þar þe noght drede no wycchëcrafte
Noþer temptyng of þe deuylys shafte;
And ȝyf þou be yn dedly synne,
To hys temptyng he may þe wynne.
Line 8284
Ȝyt þer ys spekyng of vylaynye
Þat longeþ vnto [vnto O, to H.] lecherye,
And oftë tyme of foulë speche
Falleþ [Falþ.] þarfor hard[ë] wreche;
Line 8288
Of foulë herte cumþ foulë þoȝt;
Of foulë þoȝt, foule wurdys are broȝt.
Þe foulë wurde, þe speker dereþ,
And þat hyt hereþ and furþ bereþ;
Line 8292
Y hauë toldë of þys lak
Yn þe fyfþe comaundement, þer y spak,
whan y of a nunnë tolde,
Þat coudë nat here tungë holde.
Line 8296
Ȝyt ys þyr a spyce of leccherye, [folio 55b]
Auauntëment of olde folye:
A kaynard and an [an O, a H.] oldë folte,
Þat þryfte haþ loste, [lore.] and boghte a bolte,
he shal become[n] a dyssour,
Line 8301
And telleþ [telle.] how he was a lecchour;
Ioye he haþ, hym-self to dyffame
Of alle hys synnes þat he kan name,
Line 8304
And auante hym alle an hye,
