Hyt may weyl be hym-self haþ myȝt
Syn ȝe drede hys croys be syght;
Line 8236
And ys nat ȝyt þe samë tre,
Haþ þat tokene more myȝt þan ȝe?"
"Ȝee," seyde the fendë, "certaynly,
Ouer vs alle he [hyt.] haþ maystry;
Line 8240
And euermore so shal be doun
For hyt was hys owne passyoun;
No þyng þat man may of hym sey,
Doþe oure powere so moche a-weye
Line 8244
As nemne þat passyun and þat rode
Þat he shedde on, hys swetë blode;
Heuene and helle þat passyun douten,
And creatures allë þarto louten,
Line 8248
And specyaly 'Ihesus,' þat name
Ys our shenshyp and oure shame."
when Cypryen þys vndyrstode,
He forsoke hem, and bycom gode,
Line 8252
And alle þe crafte þat he hadde haunted,
And Crystendome to take he graunted;
He dyd breke his maumetrye,
And dyd hyt brenne byfore hys ye;
Line 8256
Seþþen at þe bysshope of þe cyte
He dyd hym crysten man to be,
Seþþen he was so stedfast [folio 55a]
Yn þe beleue, þurgh þe holy gast,
Line 8260
Þat he was ordeyned dekene hye,
And seþþen bysshope he was wurþy;
Seþen made he Iustyne, abbas
Of alle þe ladyes, as wurþy was.
Line 8264
Swyche grace fel seþþen [seþen fyl.] on hom,
Þat boþe þey suffred martyrdom;
And now [now O, om. H.] ys Cypryen with God so herd
Þat he ys wurschypde yn alle þe werlde; [
O. inserts—
For yn þe pryuyte of þe messe,Hys namë euer nemnede ys:—
]
