And here cunseyl was euer þus
"we rede ȝow take Agladyus."
Line 8200
At euery tyme þat þus ['þus' omitted.] þey here besoght,
Þe croys was euer yn here þoght,
And made hyt euer hem betwene,
And alle here cunseyl was no more sene;
hadde none of hem lenger powere
Line 8205
with here to speke, or come here nere.
Þryys [þrys.] ouercomë hadde þey bene,
And þus þey tolde to Cypryene.
Line 8208
Cypryene haddë grete ferly, [wundyr]
And asked 'for whom hyt was, and why
Þat þey ne myȝtë of here spede,
But euer ouercome awey þey ȝede.'
Line 8212
Þan spak to hym a fende of helle,
"Syker me here with me to dwelle,
And þat þou ne shalt, for loue ne eye,
Beleue on þat y shal þe seye."
Line 8216
whan he hadde seyde hym hys certeynte,
"Now," seyd þe fende, "y shal telle þe:
She beleueþ on one men calle Ihesus,
He þat confoundeþ euermore vs;
Line 8220
She ouercomeþ vs with a croys; [folio 55a]
when we se hyt, we haue no voys;
Þe sygne þerof euer we fle,
And drede we haue when we hyt se;
Line 8224
Oure myȝt ys noght, no neuer shal,
Ouer any þat blesseþ hym with-al.
Iustyne þerwyþ defendeþ here so
Þat we ne may haue with here to do;
Line 8228
And, for here lyfe ys gode and clene,
Oure maystry may ryȝt noȝt be sene;
For ȝyf she lyued yn wykkednes,
Þan myȝte we do to here sum stres."
Line 8232
Cypryen seyd vnto þat fende,
"Ihesus ys nat þan ȝoure frende,
