whan she had takë crystendam
Euery day to scole she nam, [ȝede]
Line 8164
To þe scolë, for to lere
Þe loue of God, and haue hyt dere.
And as she went to þe scole hous,
A lorde þat hyghte 'Agladyus'—
Line 8168
A gretë mayster and a syre—
was a-namourd so on hyre
Þat he ne wyst what do he myȝt,
She was so semëly by syȝt.
Line 8172
He comë vn-to Cypryene,
Þys clerk, þys nygromancyene,
And tolde hym al þe enchesun
Of hys grete temptacyun.
Line 8176
Fast he preyde, and hette hym mede
Ȝyf þat he coudë do sum dede,
were hyt 1godë, were hyt ylle,1 [1_1 wyþ gode, were hyt wyþ yl.]
Þat he myȝt haue of here hys wylle.
Line 8180
"Iustyne," he seyd þan, "hattë [hat.] she
Þe feyre mayden þat marreþ me."
And Cypryene hette hym for of hys [folio 54b:2]
Þat þe mayden shulde be hys.
Line 8184
Cypryene made þan hys queyntyse,
And ded þe fendys many one [manye.] vpryse,
And comaunded [comaundede hem.] þat Iustyne were lede
Vn-to syre Agladyous bed.
Þe forme of here fadyr and modyr þey nam, [toke]
And yn here lykenes to Iustyne cam,
And badde, here wyl shuldë be went
To Agladyous comaundement.
Line 8192
Iustyne hadde grete wundyr of þys,
And wyþ þe croys she gan here blys,
Þan þey [And þey O, þan þe H.] vanysshed aweye asswyþe;
She þanked God and was ful blyþe.
Line 8196
Þryys [þrys.] þey come, on þre manere,
Beforë Iustyne to apere;
