Yn þys hous whan y am dede,
And y hope be saued fro þe quede,
Þogh y haue lyued a synful lyfe,
And haue be called a prestës wyfe."
Line 8028
Þat graunted þey euery deyl,
For þey wende ha [haue.] do hyt wele.
Sone aftyrward she euyld, [folio 53b:2]
And deyd sunner þan she wylde.
Line 8032
here chyldryn, as þey hadde here [þey here hade.] het,
To wake here body were þey set:
Þe fyrst nyght þat þey shulde here wake,
At mydnyȝt þe berë gan to quake;
Line 8036
Here fourë sonys þat saye hyt stere,
leyd on hond, [hande.] and helde þe bere;
Þe ouþer men hadde swychë drede
Þat euery man hys wëy ȝede;
Line 8040
with mochë drede and hydous syght
Askaped þey on þe fyrst nyȝt.
Þe toþer nyȝt þat þe chyldryn woke,
At þe mydnyȝt þe berë quoke,
Line 8044
And alle þat sate or þerby stode,
For dredë wendë ha wox [haue woxe.] wode:
Þat nyȝt shewed he more hys ire,
Þat hys power was moche yn hyre.
Line 8048
with sorowful syȝt and grete affray
He drogh þe body þere hyt lay,
And to þe dore þe fende hyt broght;
Þat tymë fyrþer myȝt he noght.
Line 8052
Here fourë sones, with mochë peyne,
Efte hadde þe body yn aȝeyne;
Aboute þe body a rope þey wonde,
And to þe berë fast þey [hyt.] bonde;
Line 8056
So algate þe body with hem lefte;
At þat nyȝt was hyt nat refte.
Þe þred nyȝt, moste sorow gan falle;
