Þe þryde he offreþ to haue memóry
For soules þat are yn purgatóry,
Þat God bryng hem oute of [of here.] peyne
And brynge to [hem to.] þe ioye þat ys certeyne.
Certys, she douþ ful moche a-mys,
Line 7961
Þe womman þat dysturbleþ alle þys.
For, þo soulës are no þyng
wurscheped with þat offryng,
Line 7964
Noþer vs to cunseyl, or to rede,
Ne hyt helpeþ nat þe dede;
Allë þarefore þat now are,
And þat shul be, and now are fare, [go]
Line 7968
Shul dampne þat womman to be lore,
And curse þe tyme þat she was bore;
And þarwith-alle, ne shal she be quyt,
Ȝyt shal hyre [here.] dampne hyre owne ynwyt
Þat ychë day þat alle shal [shal O, þat H.] ryse
Line 7973
Before Ihesu, þat hygh Iustyse.
lokeþ, ȝe wymmen, what ȝe do
Ȝyf ȝe dyd oght, doþe no more so,
Line 7976
Or harder penaunce, with bytter teres,
Shul ȝe do here, or ellës wheres.
And shame hyt ys euer [ys euer O, ys H.] aywhare
To be kalled 'a prestës mare.'
Line 7980
Of swych one, y shal ȝow telle
Þat þe fendë bare to helle; [A tale]
Þys chauncë fyl, þat ys so hard,
Yn þe tyme of gode Edward,—
Line 7984
Edward, syre Henryës sone,—
And þe tale ys weyl to mone.
[The Tale of the Priest's Concu|bine, and how Fiends carried off her Dead Body.]
Þyr was a prest ryȝt amerous,—
And amerous men are lechours;—
Line 7988
