And styrte aȝen, þey were so dredde;
Þe bedde, ne [no.] hym, ne durst þey touche,
So had he marked hym with þe crouche. [O. has above a ✗.]
Þey turned aȝen to syre Satan,
Line 7849
And seyd, þey durst nat brynge þat man.
He asked 'why þat chaunce byfel;'
Þey seyd, hyt was "a lore [ler.] vessel,
Line 7852
An empty vessel þat marked was
From þe and þyne, syre Satanas;
Þe vessel, whan hyt þere was leyde,
Vn-to vs hyt longed nede. [al nede.]
Line 7856
Alas þe whyle þey gunne to reme!
He haþ hys mark þat wyl hym ȝeme."
Þe Iew þey called 'a voyde vessel,'
And forsoþë, so hyt fel;
Line 7860
Voydë he was of hys lawe,
For he forsoke hyt for fyne awe;
'Lore,' [Ler.] for he hadde nat oure lawe take
Seþþe he hadde [Harl. hadde nat.] hys owne forsake.
Line 7864
For þys þyng, y hope þey seyd,
And called þe Iew a vessel voyd.
But þey myȝt nat ['nat' omitted.] do hym no dere,
Noþer to Satanas lede ne bere;
Line 7868
So hadde he hym with þe croyce blessed,
Þat of hym algate þey myssed.
Þe fendës and syre Satanas
Þan wente awey, cryying 'alas!'
Line 7872
Þe Iewë þo asswyþe a-ros,—
hyt was no wundyr þoȝ [þogh.] hym gros,— [dred]
Vn-to þe bysshope sone he ȝede
And tolde hym what he sagh yn dede;
Line 7876
Þe crystendome at hym he toke,
And, hys fals[ë] lawe forsoke,
And beleued oure lawe echedeyl, [folio 52b:2]
And þe bysshope amended hym weyl.
Line 7880
