"For þy dede þou getyst maugre,
And þarto ȝyt shalt þou bete be."
with hym wulde he no more stryue;
He called [But calde.] an-ouþer furthe belyue;
Line 7780
Felunlyche, with yȝen [eyen.] grym,
"where hast þou be?" seyd he to hym.
"Yn þe seë, haue y bene,
And moche sorow made men betwene;
Y haue broght to grete encumbre
Line 7785
Shyppes and men with-outë noumbre,
what yn cuntek, and yn tempest,
Twenty þousand at þe lest."
Line 7788
Þe deuyl seyd, "þat ys no doute;
how long hast þou be þere-aboute?"
"Seuene wyntyr, al to-gydyr,
hauë y be haunted [hauntynge.] þedyr."
Line 7792
Satan comaunded, for hys seruyse
He shuld be put to hys Iuwyse.
Þe þred deuyl was forþë fette [furþ fet.]
Byfore Satan, þer he was sette; [set.]
Line 7796
Satan seyd, "where ware þou?
How þou hast sped, sey me now."
"A-boute a bysshope y haue be long,
Ȝyf y myȝt hym yn synnë fong;
Line 7800
But yn hym ys so grete bounte
Þat y myȝt neuer turne hym to þe.
But, þys nyȝt y haue so sped, [folio 52a:2]
Þat hym with temptyng so fer haue led,
Þat y hope, y haue hys þoght
Line 7805
A party to my wyllë broght.
Þyr com to hym, for hys godenesse,
A nunne, y wene a pryores,
Line 7808
Sum þyng of hym for to here
Þat she perauenture myȝt of lere;
Algate, y broght hyt so to an ende,
