For þe fende wulde þat al shulde be
Dampned, as weyl as ys he.
Line 7656
Ȝyt of ȝouþe men shulde haue drede,
Of þat men donë yn chyldhede;
Þat may be turned to lechery,
For chyldryn ofte to-gedyr ly.
Line 7660
Ȝyf þou oght dedyst and hopest, hyt ys
Yn þy wyt, synne of foule flessh:
Y cunseyl þe to telle þe [þy.] prest,
For peryl may fallë, weyl þou seest;
Line 7664
Þyn ynwyt telleþ þe þat skyl
Of what þou dest þat ys peryl,
For comunly, þat men done [do.] yn ȝenkþe,
Yn agë haunte þey hyt on lenkþe;
Line 7668
And mowe nat leue þat foule [vyle (a late may is interlined above mowe).] vsage
Þat þey toke yn ȝouþe yn rage.
yn a prouerbe of olde Englys
Tellë men, and soþe hyt ys,
Line 7672
"Þat ȝougþë wones, yn agë mones;"
Þat þou dedyst [dest.] ones, þou dedyst eftsones.
Þarefore loke what þy ȝouþë was,
And yn þy [þyn.] age amende þy trespas.
Line 7676
A-noþer spyce, ware þe fro þys
Foly, a womman for to kys;
For seldë kys[eth] any frende,
Þat lechery ne ys þoght or neuende.
Line 7680
kyssyng ys, for loue to wynne,
And ys erand for flesshly synne;
Man or [and.] womman, loke for-þy,
wharefore þou kyssest, whom, & why.
Line 7684
Ȝyt ys þer a spyce to mene
For hem þat shuld be chaste and clene,
As þo men þat are of hygh degree,
Of holy cherches owne meyne;
Line 7688
Þesë men shuld for no þyng [folio 51b]
