Ȝyt þyr ys a-noþer spyce [vyce.]
Line 7585
Þat cumþ of þe fendes malyce,
Þat he douþ vs alle falle ynne,
yn dreme slepyng þat we are ynne.
Line 7588
And þat yche temptacyun
May be twey maner of enchesun;
Þe fyrste ys syghte, þe touþer ys þoght,
with-outë þese, dremest þou noght;
Line 7592
For swyche þyng þou mayst se with ye,
Þat hyt turneþ to þoght of felonye. [Altered to 'vilonye.']
Ȝyf þou þenkest ofte of þat syght,
Þat wey of þoght gadreþ myȝt,
Line 7596
And knyttyþ harde ryȝt as a seme,
And sheweþ on þe nyȝt yn dreme.
Yn þat dreme, ȝyf þou do lecherye,
hyt makeþ þe þoght of vylayné; [vylaynye.]
Line 7600
Ȝyf any do hyt ones [hyt ones O, hyt H.] þurgh chaunce,
Þan ys þerfore but lyȝt penaunce;
Ȝyf hyt be donë þurgh custome,
Þan falleþ þarfore harder dome;
Line 7604
For euery tyme, at alþer leste,
Behoueþ þe shewe to þe preste:
Hyt ys a wysdom to shewe hyt alle;
Hyt may be moche, þat þe þenkeþ smalle.
Þe prestë, [prest.] he can euene charge,
Line 7609
For whyche he shal ȝyue penaunce large.
lecchery ys also grete ȝernyng
To be desyred þurgh feyre cloþyng,
Line 7612
what wymmen hem tyfe [tyffe.] with ownë wyl, [folio 51a]
To foly loue, ouþer men to tylle.
Ȝyf men, þurgh here feyre atyre,
wyþ hem to do foly, haue desyre,
Line 7616
Þey shul answere for here synne,
For þey are rote, and fyrst bygynne;
Noþeles, þe cónsentour
