Meseles, men seye, vsen hem;
Line 7448
And, who takeþ [who so takþ.] hem yn þat hete,
Clennesse of body he may sone lete.
Moche wo þan, ys swyche to take,
For þesë þre lakkës sake;
Line 7452
And moche may be þat wommans mone, [mone.]
For she shal answere for hem echone
Þat haue ydo any synne wyþ hyre,
At domes day, þe day of Ire.
Line 7456
Þarefore, ȝe men, takeþ none,
Ne ȝe wymmen, takeþ but one.
Ȝyf man or womman may nat be chaste,
Take, [Take one.] and do no morë waste,
Line 7460
One of [on.] whom ȝoure loue wyl be, [folio 50a]
And ȝyueþ nat ȝoure bodyys to alle ylych fre.
Seuene maner synnes y haue ȝow tolde,
Þe whych cumbren men on many folde,
And þe leste of alle þese seuene
Line 7465
Forbarreþ a man þe blys of heuene.
who-so wyl be clene of þyse,
Aȝens hys flessh behoueþ hym ryse,
Line 7468
And wyþ hyt fyȝt ful faste
Þat hyt be algate dowün [down.] kaste,
And elles may he neuer [neure.] be clene,
hys flessh hys enmy wyl hym sone [so.] tene:
Of swych a fyȝt a sample y kan, [A tale]
Of seynt Benet þat holy man.
Seynt Gregory telþ for þe nones
how seynt Benet was tempted onys.
Line 7476
[The Tale of St. Benet's Tempta|tion, and how he freed himself by rolling in Thorns and Nettles.]
As seynt Benet sate yn hys celle,
To tempte hym com a fend of helle
Yn a lykenes of a bryd.
