Þe more plyȝt ys þat lecchery;
Line 7376
Þus hyt seyþ yn þe decre,
He calleþ hyt an 'affynyte';
Affynyte hyt makeþ alle an ende,
hys blode þarto no more may wende.
Line 7380
Þe fourþe synne ys more perylous,
with man and womman relygyus;
Ȝyf þey haue made professyoun
Boþe vn-to relygyoun,
Line 7384
Moche ys to chargë þat folye [folio 49b]
Ȝyf þey to-gedyr do leccherye.
Relygyous man also ys [ys also.] to blame,
Þat yn þe wurlde takeþ a foule fame,
Line 7388
For he may kepe hym weyl þerfro,
Alonë [Allone.] þar hym neuer go.
Þe fyfþe ys mochë for to drede,
Line 7391
To rauysh [rauys.] a womman here maydenhede,
Þat ys to say, a-ȝens here wylle,
But ȝyf she grauntë weyl þar-tylle;
And, þogh she [she O, he H. (A.S. heo, she).] to hym consente,
he ys holde to here auaunsement;
Line 7396
For ȝyf she ȝyue here to folye,
She kan nat leuë tyl she deye;
And he þat broght here to þat bysmere,
For here foly he shal answere.
Line 7400
Þe syxtë reyseþ gretë stryfe,
To rauys anouþer mannys wyfe;
For aȝens God hyt ys euyl dede,
And to þe worlde also mochyl drede.
Line 7404
Ȝyf hyt be aȝens here wyl,
Þe more he douþ hym seluen yl.
A clerk, ȝyf [þat] he ordred be,
hys synne ys more þan ouþer þre
Line 7408
For he douþ þat he shulde forbede,
And chastyse ouþer of swyche dede,
