But with anoþer þou shalt fulfyl.
Line 7344
Forsoþe þey are [are O, art H. (In H. 'þey' is alterd from þou.')] to folehardy
Þat haunte þe synne of lecchery;
For why, to do alle ouþer synnes, [folio 49a:2]
Þe lyghtlyer þe fende hem wynnes.
Line 7348
On seuene maners shal y shewe
How lecherye þan ys a shrewe.
Þe fyrst ys 'fornycacyon,'
whan two vnweddyd haue mysdon,
Line 7352
As sengle knaue and sengle tarne, [tharne, glossed 'a wenche.'] [wenche.]
whan þey synne to-gedyr ȝerne;
Þe leste hyt ys of allë seuene,
Ȝyt hyt forbarreþ þe blys of heuene.
Line 7356
Þe touþer ys 'awoutry,'
whan weddyd and weddyd to-gedyr lye,
As weddyd man takeþ anoþers wyfe,
Þat ys þe morë synful lyfe.
Line 7360
Ȝyf weddyd man, sengle woman takeþ,
Forsoþe spousebrechë þere he makyþ.
Ȝyf weddyd wyfe take sengle man,
Alle spousebreche tel y hyt þan;
Line 7364
For þey haue broke with-outë fayle
Þe chastë bondë of spousayle.
Þe þryddë synnë ys þe werst,
Þe clerk[es] calleþ hyt 'yncest,'
Line 7368
whan men [men.] take kyn yn felawrede, [felaghrede.]
And wyþ hem doþ [doun.] flesshëly dede;
Þe ner[ë] syb she ys hys [hys B, om. A.] kynde,
Þe morë plyȝt shal he þere fynde.
Line 7372
Or ȝyf he with a woman synne,
Þat sum of hys kyn haþ endyd ynne,
Þat ys to sey, haþ ley here by,
