Ȝyf þou do nat, ellys ys hyt pyne.
lordës þat haue prestes at wyl,
Me þenketh þey trespas ful yl,
Line 7312
Þat any day ete, are [ar.] þey here messe,
But ȝyf ['ȝyf' omitted.] hyt be þurgh harder dystresse.
þe [Þese.] men þat are of holy cherche,
Þey wetë weyl how þey shul werche;
Line 7316
But swych y tellë hardyly,
Þat swych a preste douþ [doþ.] glotonye,
Þat [Þat O, Þe H.] leuyþ hys messe on þe auter [Written 'autere' first, and then the final e dotted out.]
For to go to a dyner.
Line 7320
So ne shuld he do, for no þyng,
For loue ne awe of no lordyng,
But ȝyf hyt were for a grete nede
Þat shuld hym falle, or a grete drede.
Line 7324
Now haue we tolde yn lytyl space
how þat glotonye cumþ yn place
On many maner dyuers wyse,
And how we shul knowe allë þyse.
Line 7328
Ȝyf any seþ hym so coupáble
Þat yn þys ys custummáble,
leuë hem, and do no more,
And askë penauncë þarefore,
Line 7332
And God ys curteys, and wul wele
Forȝyue þe þy trespas euery dele.
God graunte vs, for hys swete mercy,
To kepe vs alle fro glotonye!
Line 7336
[Of Lechery.]
Now shul we speke of leccherye,
Þat foloweþ þe synne of glotonye;
Hyt ys þe laste of [of þe.] seuene,
And, fyrþest hyt ys fro heuene.
Line 7340
wharefore þan hyt ys [ys hyt.] so?
For hyt dampneþ euer two.
Þou mayst synne þy self yn wyl,
