"Ne noght of þe, but alle to beye.
what þoghtest þou on þy fadyr before,
lesse shal he þenke on þe, þat of þe ys bore. [line too long.? cut out lesse.]
Of þy wofare ne haþ he þoght,
Line 6481
Þou myghtyst þy self, and wuldest noght;
and þogh now we ȝaue [we now ȝyue O.] alle þy gode
vntyl porë mannës fode,
Line 6484
Or dede anouþer (for þy sake,)
Cherche to sette, or auter make,
y trowe þy mede shal be but smal,
Syn þou dedyst noȝt whan þyn was al.
Line 6488
"loke now þy-self, and gode skyl why,
Þat þou art more to blame þan y.
wharefor ys alle y with þe stryue,
Þat þou do godë yn þy lyue;
Line 6492
Make þy-self þyn ownë weye,
Þat þyn executor of [ne of O.] þe þus seye;
For what time þat þou awey gos,
Þo þat were þy frendys are þan þy fos,
Line 6496
And comunly þyn ownë wyfe,—
Þát, mayst þou se here ful ryfe,—
Also þy chyldryn are vnkynde,
Þat þou hast be aboute ful mynde;
Line 6500
Of boþe mayst þou þy merour se,
ȝyf þou kanst, or wyl [wylt O.] párseue þe;
And alle cumþ hyt of coueytyse
Þat men done vpp-on þys wyse;
Line 6504
Þárfore þenk on þe endyng,
And spendë weyl þyn ownë þyng,
Þat þou fal nat yn auaryce:
Of vnkyndhede hyt cumþ, þat vyce."
Line 6508
God, for hys holy myȝt,
late us neuer, with wnryȝt,
Coueyte oght aȝens hys wyl, [folio 43b:2]
No with auaryce to holde for yl,
Line 6512
But þat hyt be, hym to queme,
And body and soule yn clenesse ȝeme.
