"Alle þy lyfe, what hyt ys wurþy, [wrþy O.]
Þou wost hyt bettyr þan wote y;
Wyk and godë, þou hyt wyst,
And þe to sauë, þou ne lyst,
Line 6444
And haddest þy self alle þy [þe O.] powere;
why were þou nat þyn owne spensere?
how shuld y þan do now for þe,
Syn þy self were nat so fre?
Line 6448
how shulde y loue þy soulë nowe,
whan þou louedyst nat þy soulë prowe?
how shulde y þenke, þy soule to [þenke þe to O.] saue,
Whan þou þoghtyst noun to haue?
Line 6452
how shulde y bryngë þe to blys,
whan þou þy self ne wuldest þe wysse?
how shulde y bringë þe of pyne,
when [? when, MS. why.] þou ne wuldest, whyl alle was þyne?
how shulde y, frend-man, be þy frende,
Line 6457
when þy-self fo-man wald þy hende?
how shulde y late þy gode me fro,
when þou lete noun fro þy-self go?
Line 6460
who shulde þe oute of sorowe vnbynde,
When to þy self þou were vnkynde,
and wystyst weyl þou shuldest [shuldest O.] deye,
and nedely þe behoued passe þat weye?
Line 6464
"Þogh y, for þe, ȝaf aywhore, [euermore [euermore, om. O.] ]
who shulde kunne me þank þerfore?
what shuld God do þè mede?
Þou dedyst hyt nat; hyt ys oure dede?
Line 6468
a peny ȝyue of þe, yn þy lyue,
hadde be bettyr þan oure fyue.
Þou gederdyst, and ȝaue þyn executours;
Þat before was þyn, now ys hyt ours.
Line 6472
Þou gaderdyst faste, and puttest yn holde; [folio 43b]
So shul we, be þou bolde;
Þou boghtyst fast, and madyst a ryche eyre,
Þy sone ys now yn þe samë speyre;
Line 6476
he shal nat þenk þat he shal deye,
