At hys foreyne, y ne wot what,
Strangled hym þeron [hym þeron O, hym H.] as he sat;
Þe touþer executoure þat had þe þyng,
Yn pouert he madë hys endyng.
Line 6408
Now haue ȝe herde, myschaunce and nede
Cumþ of fals executours dede;
Whedyr [Wheþer.] hyt be stylle, or loude on hy,
Fals executours endyn wykkedly;
Line 6412
lyfe or soule, þe toon ys shent,
Or, boþe shul yn fyre be brent.
As mochë ioyë and onours
Shal come to gode executours;
Line 6416
God graunteþ hym, [hym fyrst for O.] for hys gode wyl,
hele and welþe with-outyn yl;
And for hys dede þat he douþ ryght,
He shal haue mercy aȝens hys plyght.
Line 6420
Þe soule prayeþ also, with wyl fre,
Þat hys gode dede hym ȝouldë be
Yn blys of heuene, wyþoutyn ende,
Whan he out of þys wurlde [wrld O.] shal wende;
And loue of man, he shal fynde,
Line 6425
Yn þe syght of alle mankynde:
Þys godënesse shal ay be newe
To þe executur þat ys trewe.
Line 6428
Now we þe executore haue mysseyd,
And of hys wrong he haþ vpbreyd,
he aȝensseyþ alle þat tresun,
And setteþ þus hys resun,
Line 6432
And prayeþ vs þe soþe to se,
Þat þe dede ys more to blame þan he,
And argueþ vp-on þys skylle, [folio 43a:2]
And byt þe dede answere þartylle:
Line 6436
"ȝyf þou be ryche yn ȝongþe [ȝyngþe O.] or elde,
And hast ynowe of welþe to welde,
And knowest þy self yn wyl and dedes,
Þy wo, þy welë, how þou ledes,
Line 6440
