And sette hym up yn hys bedde,
Line 6204
And bekened [beknede O.] þer-aftyr with hys hand: [honde O.]
Þe frerë seyd, "y vndyrstande [-stonde O.]
Þat he wulde [wlde O.] haue sum of þys." [folio 41b:2]
Þey toke and fylde a syluer dysshe
Line 6208
Ful of pens, and to hym broght,
To se what was yn hys þoght.
he toke and fyldë ful hys fyst,
And yn-to hys mouþe þe pens kyst,
Line 6212
As þat he wuldë [wlde O.] hem haue ete,
Ȝyf he myȝt hem al haue gete.
And, whan þey sagh hym þus do,
Þe frerë styrtë hym vn-to,
Line 6216
And toke þe dysshë of hys hand
Magre [Maugre O.] hys wylland. [[5-syll. line]]
And a-none he fyllë downe,
And deyd, y wenë, yn a suowne.
Line 6220
Seeþ now how hys louyng
Broȝt hym to euyl endyng!
Þat he haþ [had O.] loued and holde faste,
with shame þey departed at þe laste;
Line 6224
Þerfore hyt were bettyr here
Dyspende here þyng on gode manere,
Þan for to ley hyt vp yn mucche,
Oþer yn cofre, oþer [or O.] yn hucche.
Line 6228
Auarycë, ryche and harde,
ys a þefe, a mokerad, [mokerard O.]
whan he muccheþ pryuyly
Þat many man myȝt lyuë by.
Line 6232
Ryche men gadere ryche tresours
To make with ryche executours:
Þe whyles þe execútours sekke, [fyl þe bag]
Of þe soulë þey ne rekke;
Line 6236
Þe body, whyl hyt on bere lys,
A day or two ys holde yn prys,
But whan hyt ys yn erþë broght,
Body ne soulë gete ryȝt noght;
Line 6240
Be he broght nobly to hys pyt,
