And swyþe aftyr hys purs he ran,
Line 6142
And kast hyt to hem euery deyl,
And seyd, "haueþ, and broukeþ hyt weyl,
For, myn herte was neuer yn reste
Syn y had hem a nyȝtys geste;
For shal y neuer, aftyr þys day,
Purs, pens, ȝyf þat y may."
Line 6148
Þarfor he þat mekel has,
Hys herte ys yn many a kas;
Syn þat þykë [þeke.] pore ermyte
was yn dredë for so lyte.
Line 6152
Auaryce ys þy mochë fo;
Þe loue of God [God O, om. H.] hyt dragheþ þe fro;
And syluer algat[e], namëly,
Hyt ys a god of maumetry;
Line 6156
For maumetry ys madë alle
Of golde and syluer and swych matalle,
þe saraȝyns and ouþer wanbodyes,
Þer-of þey make þat are here goddes;
Line 6160
Þarefor y rede þat ȝe loue hyt noght,
Ne [No O. [folio 3b] ] ouer moche to haue yn thoght:
Þyr ys no þyng yn erþe aboue,
Þat draghþ so mochë mannës loue
Line 6164
Fro God, né fro Goddys wurde, [wrd O.]
As golde [or O.] and syluer leyde yn hurde;
And y haue oftë herdë seye
Of sum men whan þey shuldë deye,
Line 6168
Þat, þey wulde [wlde O.] haue her pens ete [folio 41b]
Raþer þan any ouþer had hem gete;
And, here ar y ferþer go,
y shal telle of one þat ded [þat wlde O.] so.
Line 6172
