To do a man to deþ þarfore.
Line 6044
Of God almyȝty haþ he noun eye,
Ne he ne þenkeþ [þenkeþ nat.] for to deye;
On hys deþ he þenkeþ neuer,
And þarfor deyeþ [deyþ.] he for euer.
Line 6048
"Ȝe ryche men, ȝe ryche purchasours,
Ȝe wene þat al þe worlde be ȝours;
And yn alle ȝoure moste purcháce
Comþ ȝoure deþ sunnest yn place;
Line 6052
God sheweþ hyt oftë to ȝow;
Þenkeþ þéron for ȝoure prow.
[folio 40b:2] What seye ȝe by [be.] þese streyte negons [nygones.]
Þat se al day Goddës persones [prysones.]
Line 6056
Before hem deyë for mysese,
And þey are ryche and wel at ese,
And, ȝyt mow þey no þyng spare
To helpe þe porë þat mys fare.
Line 6060
Swyche a man ys auarous,
weyl wers þan ys coueytous;
For coueytyse ys yn purchace,
And auarycë halt long space.
Line 6064
Aȝens mokerers wyl y þrepe
Þat gadren pens vn-to an [vntyl a.] hepe;
y warne hem allë yn þys wurde,
whan mokerers gadren yn-to hurde
Line 6068
Þe deuyl ys here tresorer,
For auaryce ys hys spenser.
Y speke to men of rychë lyfe
Þat han no charge of chylde ne wyfe,
Line 6072
persones, prestes, þat [þat O, þan H.] han here rente,
And ouþer þat han [haue.] grete extente,
Þat mow weyl, at allë ȝers, [ȝeres.]
lyue as lordes, and be here pers: [peres.]
Line 6076
Þese nede nat to haue tresourye,
