How þe squyler of þe kechyn,
Pers, þat haþ woned here yn,
Line 5912
"He asked leuë, ryȝt now late,
And went furþ out at þe ȝate.
Y rede ȝow alle, ȝeueþ gode tent,
whederward þat Pers ys went.
Line 5916
with Ihesu cryst he ys pryue,
And þat ys shewed weyl on me;
For, what tyme he to me spak,
Out of hys mouþ me þoghtë [þughte.] brak
Line 5920
A flamme of fyre bryght and clere;
Þe flaumme made me boþ speke and here;
Speke, and here, now, boþe y may,
Blessed be God and Pers to day!"
Line 5924
Þe lordë and þe gestës alle,
One and oþer þat were yn halle,
Had merueyle þat hyt was so,
Þat he myȝte swych myrácle do.
Line 5928
Þan asswyþë Pers þey soght,
But al here sekyng was for noȝt;
Neuer, Pers þey ne founde,
Nyȝt ne day, yn no stounde;
Line 5932
For he þat toke Ennok and Ely,
He toke Pers, þurgh hys mercy,
To reste with-outyn ende to lede
For hys meknes and hys gode dede.
Line 5936
Take ensample here, of Pers,
And parteþ with þe pore, ȝe okerers,
For ȝow shal neuer come Ioye with-ynne,
But ȝe leuë fyrst þat synne;
Line 5940
And ȝyue to almes þat ychë þyng [folio 40a]
Þat ȝe haue wune wyþ okeryng.
Now with God, leue we Pers;
God ȝyue vs grace to [O. omits 'to.'] do hys maners!
Line 5944
