Robert of Brunne's "Handlyng synne".
Mannyng, Robert, fl. 1288-1338., William, de Wadington, 13th cent., Furnivall, Frederick James, 1825-1910.

[Of the Seventh Sacrament,—Aneylyng or Extreme Unction.]

Now of þe seuenþe sacrament:
     11231
Þese clerkys kalle hyt 'oynament,'
On Englys hyt ys 'anelyng'
whan man shal make hys endyng; Page  348
Seynt Iamë stable[d] hyt for to be [folio 74b:2]
A sacrament þurgh crystyanyte.
     11236
Ȝyf þou aske hyt wyþ gode wyl,
Of wykked gostes gest*. [getest.] þou noun yl,
Ne þe fende haþ no powere
þy body for to comë nere.
     11240
Ȝyf þou of dedly synne be shryue,
þo þat are venyal beþ þe forȝyue;
þou mayst þan sykerly go þy weye,
what tyme as euer þat þou shalt deye.
Ȝe þat loue þys sacrament,
     11245
Here mowe ȝe lerne, ȝyueþ gode entent.
Þat tymë þat*. [Þou trowest þat.] þou shalt wende,
And draghest vn-to þy lyuës ende,
     11248
Þou shalt aske deuoutëly
Anelyng to þy body;
Þoȝt*. [Þogh.] hyt be broȝt redy to þe,
Asked behoueþ hyt algate be.
     11252
Ȝyf þou vnwetyng hyt haue,
hyt helpeþ þe nat so moche to saue
As ȝyf þou asked*. [askedest.] hyt by name;
Þus seyþ þe apostle seynt Iame;
     11256
For whan þou askest hyt with gode wyl,
Þou mekyst þe þan to fulfyl
Þe sacramentes of holy cherche
with beleue, and gostely to werche;
     11260
Þan ys holy cherche holde þurgh ryȝt
To pray for þe boþe day and nyȝt.
Hyt ys to be holde yn prys,*. [yn gret prys.]
For hyt saueþ man on twey partys;
     11264
Þe soule hyt bryngeþ to saluacyoun,
And for hele of body hyt ys doun.
But many one þus hope and seye,
'Anele hem nat but þey shulde deye;
     11268
For ȝyf he turne aȝen to lyfe,
He shulde lygge no more*. [no more lygge.] by hys wyfe.'
Al þo þat beleueþ þys, Page  349
wykkedly þey beleue*. [beleueþ.] a-mys.
     11272
Holy cherche makeþ no menyng, [folio 75a]
For swyche þyng defende anelyng;
But yn euery an euyl strong—
lygge þou shortë whyle or long—
     11276
Þou shalt aske þys sacrament,
with gode wyl and gode entent,
Syn hyt auayleþ but lyghtly
But hyt be asked derwurly.*. [derwrþely.]
     11280
Þy gode wyl shal stonde for oght,
Ȝyf þou hyt aske, and haue hyt noȝt;
For some are now a-lyue þou seest,
And dede are he may haue þe preste;
Þarfore, askë hyt be tyme,
     11285
For, deþ cumþ now as yn swyme;
yn euery sykenes, aske hyt al-weys;
God almyȝty ys ryȝt curteys,
     11288
he seeþ þy wyl, what þou wuldest*. [wst.] haue,
Hys mercy ys þe more þe to saue.
Ihesu, y þanke þe of þy grace,
Þat hast lent me*. [me lent.] wyt and space,
     11292
Þys yn Englys for to drawe,
As holy men haue seyd yn sawe;
For lewed men hyt may auayle,
For hem y tokë þys trauayle.
     11296
Of þys sacrament wyl y blynne;
Of shryfte, to telle, y wyl bygynne;
God ȝyue me gracë so to seye,
Of shryfte to shewë þe ryȝt weye,*. [shewe ryghtly weye.]
     11300
Þat we receyue, are we be went,
with-outë synne, þys sacrament.