Robert of Brunne's "Handlyng synne".
Mannyng, Robert, fl. 1288-1338., William, de Wadington, 13th cent., Furnivall, Frederick James, 1825-1910.

[Of Confirmation.]

The secunde sacrament, y vndyrstonde,
Ys graunted of þe bysshop honde;
Men kalle hyt 'confyrmacyon,'
     9789
A sykernesse neuer more vndon
wyþ no lawe, ne with no skylle, [folio 65a:2]
But ȝyf ȝe self algatë wylle;*. [See French, 1. 7232, next page.]
     9792
As ȝyf þou boghtest house and*. [or.] land
with charter at þy neghburs hande,
Þou mayst holde hyt for euer-more,
So bapteme þe saueþ ones þore;
     9796
And ȝyf hyt be graunted of þe kyng,
Þat þou hast boght, þan ys syker þyng;
Syker ys, þat yn rolle ys leyde,
For þan may hyt neuer be wyþseyde;
     9800
þe rollyng fordoþe croppe and rote,
And ryȝt of þo þat wulde þe mote;*. [plete]
Rollyng, and þe grete assyse,
Aftyr hem may no lawë ryse.
     9804
Þus fareþ hyt of confyrmacyun
Aftyr tyme þat bapteme ys doun;
Confyrmacyun ys more ne lesse,
But aftyr crystenyng, gode sykernesse;
Þys*. [þy.] bapteme ys charter of ryȝt
     9809
Þat fordoþë Adams*. [adames.] plyȝt,
And, þat ys of grete pouste,
Þat fro þe fende hyt byeþ þe fre,
     9812
And defendeþ þe þyn*. [þyn O, yn H.] erytage,
Þat þou mayst holde hyt yn alle þyn age,
And saue þy statë euery deyl,
Ȝyf þou kepe þy charter weyl;
     9816
Ouer þys, ȝyf hyt be þy lordes wylle
Þat he þy charter wyl fulfyle, Page  307
Þan art þou stalworth þurgh hys powere,
And þy charter made more clere.
     9820
Þe bysshope ys as*. [as O, a H.] lorde or*. [or þe.] kyng
To conferme þy crystenyng;
He confermeþ þat we haue take
whan we haue Satan forsake,
     9824
Oure crystendom, þat hyt be sekyr
To fende vs aȝens þe fendës bekyr,
Þan ys oure charter quyte and clere,
     9827
Confermyng with þe bysshopes powere.
And ȝe shul alle weyl vndyrstande, [folio 65b]
whan chyldryn are blessed of þe bysshopys*. [of bysshop.] hande,
Þat blessyng ys contermacyoun
Aȝens þe fendes temptacyun,
     9832
And makeþ vs stalwurþe yn batayle
whan þe fende wyl vs asayle;
Þan are we made Goddes champyons,
Aȝens þe fendës, Goddys felons;
     9836
þan haue we receyued fully myȝt
Aȝens þe fendë for to fyȝt;
And ȝyf we be yn beleue stedfaste,
we haue powere, dowun hym to kaste.
     9840
Certes, þo men moche mysdo,
Þat*. [Þat þey H, Þat O.] a-byde long, are þey go þar-to;
And wommen, gretly ouer alle þyng,
þat wyl nat here chyldryn bryng
     9844
To receyue þe sacrament
At þe bysshopes confyrment;*. [conferment O, cofyrment H.]
For some wete weyl, þat chyldryn kepe,
Þat many are drecched yn here slepe;
     9848
Þe fende hem sheweþ grete affray,
To some on nyȝt, and some a*. [on.] day,
How þat he, may hem greue,*. [[6 syllables]]
To make ouþer men mysbeleue; Page  308
     9852
Some men hyt here, & some men*. ['men' H, om. O.] hyt sees,
Yn many stedys, vanytes,
More before þe sacrament
Þan aftyr,*. [afterwarde.] whan he ys shent;
     9856
Hys powere ys þan moche fordoun
Þurgh þys confyrmacyun;
For þat oght we, to beleuë ryȝt,
þat þys sacrament haþ þat myȝt.
     9860
Anoþer poynt, here-to longeþ,
Þat lewed men nat vndyrstandyþ:
"Þou man or womman, be nat so wylde
To holde to þe bysshope þyn owne chylde;
For ȝyf þou do, þou art commare
     9865
To hym þat hyt, gat or bare;
Ȝyf a frende man holde hyt þore, [folio 65b:2]
To wedde þat chylde, he may neuer more;
þys longeþ to þys sacrament;
     9869
Þarefor*. [Þarfore y rede.] ȝyueþ gode entent."
yn þys skyllë, as y kan,
hyt ys grete perel to an vncouþe man,
     9872
A maydë chyldë for to holde
Byfore þe bysshope, as y er tolde,
But ȝyf he askë fyrst byfore,
what hyt ys, and where was bore;
     9876
Elles perauenture yn hys lyue
he myȝt haue þat chylde to wyue;
Or ȝyf she ȝyue here to folye,
he myȝt, yn kas, lygge here by;
     9880
Þys kas*. [Þys kas O, Þys H.] ys nat often seen,
But hyt may fallë, or haþ ben;
Þarfore, noþer mo*. [more.] ne lesse,
But 'wyys*. [wys.] ys, þat ware ys.'
     9884
Now of þys confyrmacyun
wyl we leue oure sermoun;
God ȝyue vs gracë, for hys myȝt,
yn þe beleue to ferme vs ryȝt,
     9888
Þat þe holy goste with vs wone,
Þat cumþ of þe fadyr and of þe sone.