Robert of Brunne's "Handlyng synne".
Mannyng, Robert, fl. 1288-1338., William, de Wadington, 13th cent., Furnivall, Frederick James, 1825-1910.
Table of contents | Add to bookbag
Here bygynneþ þe seuene dedly synnes.*. [O. has 'Here begynne þe s. d. synnys.']

[Of Sloth, the 4th Deadly Sin.]

Now shul we speke of sloghnes;
Among þe toþer ful wyk hyt ys;*. [es.]
Þe fourþe*. [vourþe.] hyt ys of dedly synnes,
Alle þese rychë men hyt wynnes.
     4240
Moche ys a man for to blame
Þat kan nat wurschep Goddys name
with pater noster ne*. [no.] wyþ crede,
Þys beleue shuld hym to heuene lede.
     4244
Ful slogh he ys þat wyl nat lere
Þat yche framë blessed preyere;
And also he ys ful of slownes
Þat may, and wyl nat, here hys messe, Page  144
     4248
Specyaly on þe Sunday
he trespasyþ more*. [þe more.] yn þe lay.
yn þe woke, o day, þurgh ryght,
Þe Sunday, ys a day of myȝt.
     4252
how sey þese men þat are þus slogh,*. [so slowe.]
Þat oute of mesure slepe a throwe?
whan he heryþ a bel ryng,*. [belle rynge.]
To holy cherchë men kallyng,
     4256
Þan may he nat hys beddë lete
But þan behoueþ hym to lygge and swete,
And take þe mery mornyng slepe;
Of matynes ryche men take no kepe
     4260
Ȝyf þey mowe ryse*. [aryse.] at tyme of messe. [folio 29a]
For þe matynes, noþer more ne lesse
Þan ys þys Terlyncels skylle,
'Slepe þou long, and y shal hele.'
     4264
he putteþ heuenys yn hys yȝe,
And makeþ hym lenger for to lye;
And seyþ "al betyme mayst þou ryse,
whan þey do þe messe seruyse;
     4268
A messe ys ynogh for þe;
Þe touþer gyblot, late hyt be;
here mayst þou bettyr slepe a throwe
þan sytte and loke vpp-on a wowe."
     4272
Þys ys þe cunsel of Terlyncel;
yn alle sloghnesse*. [slownes.] he bereþ þe bel;
he ys a deuyl of þat myster,
To sloghnes*. [slownes.] he ys cunseler.
     4276
þan cumþ one aboutë pryme
"Rys up," he seyþ, "now ys tyme."
Þan begynneþ he to klawe and to*. [O. omits 'to.'] raske,
And ȝyueþ Terlyncel hys taske.
     4280
he klawyþ, he shrubbyþ, wel at hys pay,
And makyþ to Terlyncel a lay;
To hym þat kalled, he spekeþ stoutly,
     4283
"what deuyl! why haþ þe prest swych hy? Page  145
Byd hym þat he abyde algate;
Hym dar nat syng ȝyt ouer late."
For hym shal so Goddys seruyse abyde
Tyl hyt be passed ouer þe tyde.
     4288
Ȝyt perauenture, at hys rysyng,
Of God spekeþ he no þyng,
But ȝyf hyt be of sum vanyte
Þat rennyþ*. [renþ.] yn hys þoght;*. [þogh.] þat spekeþ he.
And when he cumþ vnto þe messe,
Þere behoueþ hym hys here*. [heer.] dresse;
Ful fewe bedys are yn hys mouþe,
He vsyþ none; þey are vncouthe.
     4296
And ȝyf a frere cum for to preche,
Of a dyner were bettyr speche;
Þan seyþ he, "God shal alle saue; [folio 29a:2]
Do wel; wel shalt þou haue."
     4300
Certys þat ys nat ynow,
For he*. [Harl. omits 'he.'] doþ no þyng to prow.
But ȝyf he wulde lestene þe frere,
To do weyl þan myȝt he lere.
     4304
Ȝyf hyt be nat þan redy, hys dyner,
Take furþe þe chesse or þe tabler;
So shal he pley tyl hyt be none,
And Goddys seruyse be al done.
     4308
Alas, wykkédly he dyspendyþ
Alle þe lyfe þat God hym sendyth!
Aftyr þe none, þan shal he do
As he dede before none so.
     4312
Swyche a lyfe þan shal he lede,
Noght þat he shal haue to mede;
yn alle hys lyfe shal he [nat] fynde
Oght þat may hym of pyne vnbynde;
     4316
No more he halt to God cunnaunt,
But weyl more to Termagaunt;
He*. [He þat.] ys no morë*. [more a.] crystyn man Page  146
Þan who so kallyþ a blak oxe 'swan.'
     4320
y dar weyl seye to hygh and logh,
yn Goddys seruyse are swych men slogh.
Swych synne men kalle 'accyde,'
yn Goddës seruyse slogh betyde.
     4324
lord! what shal swych men seye
yn þat poynt when þey shul deye?
yn alle here lyfe ne roght*. [reyghete.] þey noght
Of hym þat hem ful derë boght.
     4328
Ful gretly shul þey hem repente
whan þe dome ys aȝens hem went;
But þan mow þey do no bote;
Ylyche logh lyþ boþe hande and fote.
     4332
Many swyche mow haue no grace
To repentaunce, no to space.
     4334
Hyt ys no wundyr þogh þey haue noun,
Þey wyl nat graunte þey haue mysdoun,
Yn here lyfe, whyle þey haue myght; [folio 29b]
And þan shal God ȝelde alle with ryght.
Ful slogh þey were when þey shuld wyrk;
Yn tyme of traueyle were þey yrk*. [[slow]];
     4340
Þéy þoght nat of þat men spelle,
Þat God seyþ yn þe gospelle:
"Beþ wakyng," he seyþ, to men alle;
"what tymë þat ȝoure lorde wyl kalle,
     4344
For þat tyme þat ȝe lestë wene
He wul ȝow kalle; loke ȝe be clene;
For ȝyf ȝe slepe at hys kallyng
Ȝe shul nat come yn at þe weddyng."
     4348
Þys yche lorde kalleþ vs euery day,
wyþ þe prechour, alle þat he may.
Ȝe are slogh, and lyen to slepe,
whan ȝe aȝens þe prechur þrepe;
     4352
Ȝe mow nat come yn to þe weddyng,—
Heuene blys ys þe menyng;—
For ȝe slepe yn wykked wyl, Page  147
And wyl nat shryue ȝow of ȝoure yl.
     4356
ȝe wenë þat God shal ȝow ȝeue,
Yn wykkednes, long to leue;
And ȝe here seyë þat sum whyle,
Yn swychë hope goþ mochë gyle.
     4360
A lytyl tale y shal ȝow*. [O. omits 'ȝow.'] vndo
Of a man þat hoped so,
As tellyþ þe holy man, seynt Bede,
Yn gestys of Ingland þat men rede.
     4364
[The Tale of the English Squire who put off his Repentance till too late.]
Þyr was a kyng, 'Conred'*. [coured O.] he hyght,*. [Atale.]
Þe Mercë was hys kyngdom ryȝt;
þe Merce hyght þan, as y herd seye,
Þat men kalle now Lyndëseye.
     4368
Þys Conred*. [coured O.] had a seriaunt,
A wys man, and of body vaylaunt;
yn armys was*. [was he.] a doghty squyere,
yn alle þe lande ne was hys pere.
     4372
Of a vyce, he hadde sum deyl,
Þat no man myght trowe him weyl;
where þat he myght make a wanlace, [folio 29b:2]
And any þyng to þe kyng purchace,
     4376
He ne lette for no fals oth,
Ne for wraþþe of lefe ne*. [no.] loth,
Þat he ne made ofte dysheresun,
And holy cherche traueylede with tresun.
For wrong ne lefte he nyȝt ne day,
But onely*. [onely þat.] he serued þe kyng to pay;
He ne ȝaf tale of shame ne synne,
     4383
But þat onely he myght rycchesse wynne.
Þyr fyl on hym a syknes*. [a syknes on hym.] so stronge
Þat he lay yn hys beddë long.
Sone aftyr betydde a lyte Page  148
     4387
Þe kyng come, hym to vysyte,
     4388
And bad hym be of répentaunce,
And shryue hys synne for allë chaunce;
"Forsake now," he seyde, "alle þy*. [O, þe H.] mys|dede,
And y shal fynde þe at þy nede."
     4392
He seyde, "so shall y aftyrwarde;
Ȝyf y may skape þys euyl harde,
Þan shal y do oueral ryght,
And ȝeue me al to God almyght;*. [of myght.]
     4396
But ȝyt wyl y do hyt yn respyte
Tyl y be of þys euyl alle quyte;
Y wul*. [wlde.] nat be founde so vyl
Þat myn herte were yn swyche peryl
     4400
To repente me for a lytyl syknes,
But ȝyf y were yn harder stres.
Ȝyf y, for dredë, aske a preste,
Þat shame shulde al day*. [al day shulde.] be me neste
     4404
Þat y were a-ferd of þe ded.
Y wyl nat ȝyt do at þy rede;
But lefë syre, latyþ me lye;
Alle þat ȝe seye, me þynkeþ folye."
     4408
Þe kyng lettyd þarforë noȝt;
To leue hys synne, efte he hym besoght,
For he helde hym of gretë prys
For þat he was boþe doghty and wys.
     4412
And þys ys a custummable þyng [folio 30a]
Now, wyþ euëry lordyng,*. [lordynge.]
Þat, ȝyf his stuwarde hym oght wynne,
Be hyt wyþ ryght, or wyþ synne,
     4416
Hym wyl he holdë most pryue
Of allë þo þat wyþ hym be.
But as he takeþ þerof þe frame,
He shal haue parte of synne and shame.
þe kyng come eft to þe seriaunt,
     4421
And bad hym to be répentaunt,
And þenk on hys saluacyun,
And shryue hys synne þat he had doun. Page  149
"Syre," he seyd, "þys ys my chaunce,
Hyt ys noght my répentaunce;
For, langér as y here lay,
Ryȝt at þe oure of mydday,
     4428
Twey ȝunge men come hedyr to me,
Þe feyrest þat any man myght se;
Me þoght, ryȝt whan y sagh þo,
Þat y felt no þyng of wo.
     4432
Byfore my bedde þey stode a þrowe,*. [O. gloss 'whyle.']
And behelde me as they shuld me knowe;
when þey had stonde a lytyl tyde,
Þey set hem doune on my bedde syde.
     4436
when þey set were, furþ þey toke
And shewed a lytyl feyrë boke,
And bad me þat y shuld hyt rede,
For alle hyt was myn ownë dede;
     4440
And y þat neuer on bokë couþe,
Alle y hyt red with opun mouþe;
Alle þe gode dedys þat euer y wroght,
Alle were þere before me broght,
     4444
Þe lestë þoght þat y coulde þynke,
Þat of godenesse hadde any blynke,
Alle y sagh hyt before me,
For lytyl was hyt vnto se;
     4448
For lessë myȝt neuer haue bene
Ȝyf any man hyt shulde haue sene.
"when y hadde reddeþat y myght rede, [folio 3012a]
Þey shette here boke, and furþ þey ȝede.
Sone aftyrward whan þey were gone,
     4453
Come ouþer two, sone anone;
Blak þey were, and foule stynkyng,
wyþ glesyng yȝen, and mouþe grennyng;
Þey come and stodë on my bedde;
     4457
Me þoght y wax nygh wode for dredde;
Y turned me on euery syde,
From hem myght y nat me*. [me nat.] hyde;
     4460
And as y me went hem to fle Page  150
Euer þey werë aȝens me.
But whan y sagh no better bote,
Y lay stylle boþe hand and fote;
     4464
whan þey had traueyled me so with yl,
A stoundë sate þey by me styl
And drogh furþ a mochë boke,—
Þe most þat y euer on gan loke:
     4468
So grete hyt was and so orryble,
þer-yn was more þan yn a byble;—
For alle þat y haue do wyþ synne,
Euery dele ys wryte þerynne,
     4472
And euery wurde with sorow and pyne
Þey made me redë, maugre myne;
Þe lestë wurde þat euer y þoght,
Þat vnto synne a-mountede oght,
     4476
was yn þat boke ful þykly dreuyn,
was none forȝetyn ne forȝeuyn;
And alle y redde, boþe lesse and more;
Þat was þe pyne þat pyned me sore.
     4480
whan hyt was redd euerydeyl,
Þe boke was shet, and leyd vp weyl.
Þey ȝaue to me syþen alle here entent,
For to here wylle, y am alle went.
     4484
Twey brennyng knyuys þey oute drogh,
And seyd, "Do we oure dedë nowe;
Do we swyþe, and noght we dwelle,
And hast we vs wyþ hym to helle."
     4488
Þe toon þurgh myn hedë smote [folio 38b]
wyþ þe knyfe þat was so hote;
Þe toþer smote me yn-to þe fete
Þat almost to-gedyr þe strokës mete;
     4492
But whan þey are to gedyr y-come,
And haue my*. [myn.] herte betwyxe hem nome,
Þan shal y dey, and hennë*. [O, hen H.] wende
with þese to helle with-outyn ende.
     4496
wharto shuld y þan*. [þan shulde y.] me repente Page  151
whan y wote my Iugëment?
And, þogh y myght lenger lyue,
No man myȝt hem me forȝyue;
     4500
Ȝyf y shulde haue any grace,
y shulde haue asked whan y had space;
But now y wote, ys al to late,
O poynt of my pyne to abate.*. [bate.]
     4504
My synnes are grete, and many one;
Forȝeuënes shal be ryght none."
Alle he tolde þys to þe kyng,
And asswyþe made hys endyng;
     4508
And ȝede to helle, and was forlore
For sloghnes, as y tolde byfore.
whan a man ys slogh, and wyl nat do
Þat holy cherche techyþ hym to,*. [vnto.]
     4512
Aȝens God he ys froward,
And yn hys synne he wexeþ hard;
Þan puttyþ þe fende yn hys þoght
Þat hys synne ys lytyl or noght;
     4516
And when tyme werë, mercy calle,
yn wanhope, he makeþ hym falle.
And alle ys þys for sloghþehede,
     4519
whan man betyme wyl haue no drede;
Þarefore seyþ þe kyng Salamon
"Beþ nat ydul, neuer none,"
For ȝoure gode dedys, ȝe shul hem fynde,
Oute of pyne þey wyl ȝow vnbynde.
     4524
he þat ys slogh yn euery gode dede,
what shal helpe*. [helpe hym.] whan he haþ nede?
Þe holyman spekþ of a synne [folio 30b:2]
Of sloghnes, þat men falle*. [are.] ynne;
     4528
Ȝyf þat any shuld oght weyl do,
hym loþyþ so gretly þarto
Þat he fondyþ on allë wyse
To do hyt on þe werst asyse.
     4532
Ȝyf he of Godys wurde oght here,
Þerof hym þynkeþ an hundred ȝere; Page  152
But ȝyf he be at any pleyyng
At þe ale house, or at any ouþer ianglyng
For to rage wyþ ylka fyle*. [maydgerle],
     4540
Þer þenkeþ hym but lytyl whyle.
yn goddys seruyse are swyche*. [swylke.] men yrk*. [slow];
when þey come vn-to þe kyrke
     4540
To here matynys or messë song,
hem þenkeþ hyt lastyþ ouer long;
Þan shal he iangle, or telle a tale,
Or wyte where þey shul haue þe beste ale.
Swyche synne ys kalled 'accyde,'
     4545
yn gode dede to be slogh, or long abyde.
Ȝyf any man be coupable yn þys,
yn swyche poyntys þat he*. [O. omits 'he.'] haue do mys,
Be he hygh or be he logh,
     4549
He ys yn Goddys seruyse slogh.
But whan men heryn of þys preche,
Þat god of swyche wyl takë wreche;
     4552
'A!' lyghtly þey sey, as hyt may falle,
'God haue mercy on vs alle;'
As who seye 'ȝyf he wyl vs saue,
Or ȝyf he wyl nat; late vs*. [al.] beleue.'
     4556
Nay, nay, hyt may nat be so,
Þyr behoueþ more þarto;
Þou gettyst nat heuene so lyghtly
But þou do yn dede more why.
     4560
Prey hym fyrst he ȝeue þe þat mede
Þat þou mayst serue hym wel yn dede:
Ȝyf þou praye þus and syþen wel do,
So mayst þou come hys mercy to;
     4564
And nat yn ydylnes, as ȝe þynke, [folio 31a]
wel to ete and wel to drynke,
And ofte to swerë at youre wyl, Page  153
whan no man chargeþ ȝow þar tyl:
     4568
So come to heuene, hyt may nat be,
For, God hadde hyt neuer so fre.
[Against Tournaments.]
Of tournamentys þat are forbede
yn holy cherchë, as men rede,
     4572
Of tournamentys y preue þerynne,
Seuene poyntës of dedly synne:
Fyrst, ys pryde, as þou wel wost,
Auauntëment, bobaunce, and bost;
     4576
Of ryche atyre ys here auaunce,
Prykyng here hors with olypraunce.
wete þou wel þer*. [þyr.] ys enuye
whan one seeþ anoþer do maystrye,*. [more maystrie.]
     4580
Oþer yn wurdys, oþer yn dedys;
Enuye moste of alle hem ledys.
Yre and wraþþe may þey nat late;
     4583
Ofte are tournamentys made for hate.
Ȝyf euery knyȝt louede oþer weyl,
Tournamentes shulde be neuer a deyl;
And certys þey falle yn sloghnes,
     4587
Þey loue hyt more þan God oþer*. [or.] messe;
And, þerof ys hyt no doute,
þey dyspende more gode þer*. [þyr.] aboute—
þat ys ȝeue allë*. [al.] to folye—
Þan to any dede of mercy.
     4592
And ȝyt may nat, on no wyse,
Be forgete dame coueytyse,
For she shal fonde, on allë*. [al.] wyse,
To wynnë hors, and harnyse.
     4596
And ȝyt shal he make sum robbery,
Or bygyle hys hoste þer he shal lye.
Glotonye also ys hem among, Page  154
Delycyus metes to make hem strong;
     4600
And drynke þe wyne þat he were lyght,
wyþ glotonye to make hym wyght.
Ȝyt ys þere dame lecherye; [folio 31a:2]
Of here cumþ allë here maystrye.
     4604
Many tymes, for wymmen sake,
knyghteys tournamentys make;
And whan he wendyþ to þe tournament
She sendyþ hym sum pryuy present,
     4608
And byt hym do for hys lemman
Yn vasshelage*. [vasselage.] alle þat he kan;
So ys he bete þere, for here loue,
Þat he ne may sytte hys hors aboue,
     4612
Þat perauenture, yn alle hys lyue
Shal he neuer aftyr þryue.
loke now whedyr swyche tournours*. [tourneours.]
Mow be kallëd turmentours?
     4616
For, þey turmente alle with synne;
Þere tourment ys, þer shul þey ynne,
But þey leuë swyche myschaunce,
And for here synnë do penaunce.
     4620
Also y tellë by iustyng,
Þér-of cumþ myschefful þyng;
Alle ys þe toon with þe touþer,
As a shyppe þat ys turned with þe roþer.
And þese bourdys of þese squyers,
     4625
Also haue þey made for swyche maners
Of prydë, hatë, and enuye,
Sloghtnesse,*. [Sloghnes.] coueytyse, and glotonye:
lecherye makþ hem alle to bygynne;
     4629
Þese wymmen are partyners of þere synne.
A clerk of order þat haþ þe name,
Ȝyf he iuste, he ys to blame,
     4632
Hyt were wurþy þat had þe gre,
Brokyn þe armë, legge,*. [or lege.] or thee;
hyt ys forsoþe, ȝyf he so werche, Page  155
Aȝens þe state of holy cherche.
     4636
hyt ys forbode hym, yn þe decre,
Myrácles for to make or se;
For, myrácles ȝyf þou bygynne,
Hyt ys a gaderyng,*. [O, gaderynt, H.] a syght of synne,
     4640
He may yn þe cherche, þurgh þys resun, [folio 31b]
Pley þe resurreccyun,—
Þat ys to seyë, how God ros,
God and man yn myȝt and los,—
     4644
To make men be yn beleuë gode
Þat he ros with flesshe and blode;
And he may pleye, withoutyn plyght
howe God was bore yn ȝolë nyght,
     4648
To make men to beleue stedfastly
Þat he lyght yn þe vyrgyne Mary.
Ȝif þou do hyt yn weyys or greuys,
A syght of synne truly hyt semys.
     4652
Seynt Ysodre,*. [Isidre.] y take to wyttnes,
For he hyt seyþ, þat soþe hyt es;
þus hyt seyþ, yn hys boke,
Þey forsakë þat þey toke—
     4656
God and herë crystendam—
Þat make swyche pleyys to any man
As myrácles and*. [or.] bourdys,
Or tournamentys of grete prys.
     4660
þese are þe pompes þat þou forsoke,
Fryst*. [Fyrst.] whan þou þy crystendam toke.
At þe fonte, seyþ þe lewed man,
     4663
"y forsake þe, here, Satan,
And alle þy pompes and all thy werkys:"
Þys ys þy lore, aftyr þe clerkys.
haldyst þou forward, e, certys nay,
whan þou makyst swyche a-dray?
     4668
Aȝens God þou brekest cunnaunt,*. [cumnaunt.]
And seruyst ȝoure syre, Termagaunt. Page  156
Seynt Ysodre seyþ yn hys wrytyng,
'Alle þo þat delyte to se swyche þyng,
     4672
Or hors or harneys lenyþ þar-tyl;*. [O. gloss 'to.']
Ȝyt haue þey gylt of here peryl.'
Ȝyf prest or clerk lene vestëment*. [Harl. vestment.]
Þat halwed ys þurgh sacrament;
     4676
More þan ouþer þey are to blame,
Of sacrylege þey haue þe fame:
Famë, for þey falle yn plyght, [folio 31b:2]
Þey shuld be chastysed*. [chastyed.] þerfor with ryȝt.
Daunces, karols, somour games,
     4681
Of many swych come many shames;
whan þou stodyst*. [stodyyst.] to makë þyse,
Þou art slogh yn Goddys seruyse;
     4684
And þat synnen yn swych þurgh þe,
For hem þou shalt a-couped be.
what seye ȝe by euery mynstral,
Þat yn swyche þynges delyte hem alle?
Here doyng ys ful perylous,
     4689
Hyt loueth noþer God ne goddys house;
Hem were leuer here of a daunce,
Of host, and of olypraunce,
     4692
Þan any gode of God of heuene,
Or ouþer wysdom þat were to neuene.
Yn foly ys allë þat þey gete,
here cloth, here drynkë, and here mete.
And, for swych þyng, telle y shal,
     4697
what byfyl onys of a mynstral:
Seynt Gregorye telleþ yn hys spell
how hyt of a mynstral fell.
     4700
[The Tale of the Minstrel who was kild for disturbing a Bishop.]
A mynstralle, a gulardous,
Come onys to a bysshopes hous*. [A tale]Page  157
And asked þere þe charyte;
Þe porter lete hym haue entre;
     4704
At tyme of mete, þe bourde was leyd,
And þe benesun shuld be seyd;
Þys mynstral made hys melody
with gretë noyse, and loude, and hy.
     4708
Of þe bysshope, þe famë ran
Þat he was an holy man;
Þe bysshope sette hym at þe bourde,
     4711
And shuld haue blessed hyt with wurde;
So was he sturbled with þe mynstral,
Þat he hadde no grace to sey with*. [weyl.] -alle
His graces ryght deuoutëly
For þe noyse of þe mynstralsy.
     4716
Þe bysshope pleyned hym ful sore, [folio 32a]
And seyd to allë þat were þore,
Þat he ne shulde make hys nycete
Before the graces of þe charyte.
     4720
He sagh hyt weyl, þurgh þe spryt,*. [spyryt.]
Þat þer shuld come veniaunce astyt.*. [alstyt.]
"Ȝyueþ hym þe charyte, & latyþ hym go;
Hys deþ ys nygh, þat shal hym slo."
     4724
He toke charyte, and toke hys gate;*. [O. gloss 'weye.']
And as he passed out at þe ȝate,
A stonë fyl down of þe wal,
And slogh þerë þe mynstral.
     4728
Þat betokened þat God was noght
Payd of þat þe mynstral wroght,
Þat he desturbled þe benesoun
And þe gode mannys deuocyoun.
     4732
Þys tolde y for þe glemennes sake,
To loke whan þey here gle shuld*. [shul.] make;
And also for þo þat shuld hyt here,
Þat þey loue hyt nat so dere, Page  158
     4736
Ne haue þerynne so grete lykyng,
Þe lesse to wurschyp heuene kyng.
[A Tale of Bishop St. Robert Grostest of Lincoln, and why he lovd Music.]
Y shall ȝow telle, as y haue herd,
Of þe bysshope Seynt Roberd;
     4740
Hys tonamë ys 'Grostest
Of Lynkolne,' so seyþ þe gest.
he loued moche to here þe harpe,
For mannys wytte hyt makyþ sharpe;
     4744
Next hys chaumbre, besyde hys stody,
Hys harpers chaumbre was fast þerby.
Many tymes, be nyȝtys and dayys,
He had solace of notes and layys.
     4748
One asked hym onys, resun why
he hadde delyte yn mynstralsy:
he answerede hym on þys manere,
why he helde þe harper*. [harpe.] so dere,
     4752
"Þe vertu of þe harpe, þurgh skylle & ryȝt,
wyl destroye þe fendës myȝt,
And to þe croys by godë skylle [folio 32a:2]
Ys þe harpë lykened weyle.
     4756
Anoþer poynt cumfórteþ me,
Þat God haþ sent vnto*. [O, to H.] a tre
So mochë ioye to here with eere;
Moche þan morë ioye ys þere
     4760
with God hym-selfë, þere he wonys;
Þe harpe þerof me oftë mones;
Of þe ioye and of þe blys
where God hym-self wonys*. [woneþ.] and ys.
     4764
Þare-for, gode men, ȝe shul lere,
whan ȝe any glemen here,
To wurschep God at ȝoure powere,
As Dauyd seyþ yn þe sautere,
     4768
"yn harpe, yn thabour, and symphan gle,
wurschepe God, yn troumpes, and sautre, Page  159
yn cordys, an*. [yn.] organes, and bellys ryngyng,
yn al þese, wurschepe ȝe heuene kyng."
Ȝyf ȝe do þus, y sey hardly,
     4773
Ȝe mow here ȝoure mynstralsy.
Ȝyf þou lyggë long yn synne,
And wylt nat ryse, ne þerof blynne,
     4776
Certeynly, for euery oure
Þou shalt ȝelde a-counte ful soure;
For euery oure þat þou þeryn lay
Yn purgatorye þou gest þy pay.
     4780
Hyt ys sloghnes, and kalled 'accyde,'
Fro Goddys seruyse so long þe hyde.
And some, alle þe ȝere wyllyn abyde
Of shryftë tyl þe lentyn tyde;
     4784
And nygh tyl lentyn be al gone
Mede for fastyng gete þey none;
Þat ys, for sloghnes þey wyl nat ryse;
lyggyng yn synne, ys lore seruyse.
     4788
And, sum men, yn alle here lyue,
Clenly ne wylë þey hem shryue;
For þey synne alle yn hope of grace,
At here endyng wene þey haue space;
     4792
Þan þenkë þey to shryue hem clene: [folio 32b]
To swyche men, God sheweþ hys tene.
Hyt ys seyd al day, for þys skyl,
"he þat wyl nat whan he may,
     4796
He shal nat, when he wyl, [haue pay.]"
And þer byþ many one ful euyl to wynne
To any godenes fro vylë synne;
     4800
Euyl tokyn hyt ys*. [Harl. omits 'ys.'] of swyche a man,
God hym deme; for y ne kan.
And þyr are ouþer þat mys dous,
As a best,*. [beste.] for defaute þat goþ lous.
     4804
But whan men techë hem þe wey,
And þey wyl do as men hem sey; Page  160
A tokyn hyt ys, þey shul haue grace
To come to God, and hauë space.
     4808
And he may hope of euyl endyng
Þat nonë may to Godë brynge.
A slogh messagere, hys wylland,
Þat charged ys wyþ lordes erand,
     4812
Ȝyf he go nat as he ys sent,
He ys wurþy to be shent.
Man þat wel spedyþ hym yn dede,
And messáger smart at nede,
     4816
Þey shul stonde byfore þe kyng,
And hauë mede to here askyng.
A persone ys slogh yn holy cherche
Þat on hys shepë wyl nat werche
     4820
How þey shul hem-self[ë] ȝeme,
And God and holy cherche to queme.
Þe hyghë shepard shal hym blame,
how he lateþ hem go to shame.
     4824
Ȝyf he se yn any þyng
Þat þey haue defaute of chastysyng,
But he teche hem and chastyse so
Þat þey forward better do,
     4828
For hem he shal, at þe assyse,
Be ponysshed before þe hygh Iustyse.
Also behoueþ hym, for hem pray,
Þat God, of grace, wysse hem þe wey.
     4832
Ȝyf any of hem defautë has, [folio 32b:2]
And he may helpe hem yn þat kas,
And wyl nat, for vnkyndhede,
But late hem perysshe þer for nede,
     4836
Ful harde a-countë shal he ȝelde
Þat he myȝt helpe whan he ne welde.
Ȝyf he kyndly vndyrstode,
Of hem he haþ al hys gode; Page  161
     4840
For, God seyþ yn þe gospel þys,
Vpbreydyng hem when þey do mys:
Þe mylke, þe wulle, þey wyl receyue;
     4843
And syþþen þe shepe þey wyle late weyue.
Holy wrytë swyche men holdes
As wyldë wuluës brekyng foldes.
Swyche a personë ys ful slogh,
Be he hygh, or be he logh.
     4848
Man or womman þat haþ a chylde
Þat wyþ vnþewys wexyþ wylde,
Þat wyl boþe myssey and do,
Chastysment behoueþ þarto;
     4852
But ȝe hem chastyse at ȝoure myȝt,
Ȝe falle, ellys, for hem yn plyȝt.
Better were þe chylde vnbore
Þan fayle chastysyng, and syþþen lore.
Þus seyth þe wys kyng Salamonn
     4857
To men and wymmen euerychonn,
"wyle ȝe þat*. [Harl. þet.] ȝoure chyldryn*. [chylder.] be a-ferd,
Ȝyueþ*. [ȝeuyf.] hem þe smert ende of þe ȝerde;"
And techeþ hem gode þewys echone;
Ȝyt dur ȝow brekë hem no bone.
     4862
[The Tale of the Father that would not chastise his Child.]
y shal ȝow telle a wundyr þyng*. [A tale.]
Þat fylle for defaute of chastysyng:
     4864
Seynt Gregory telleþ, þat mochë kan,
Of a folë husbunde man
Þat hatede a chylde þat he furþe broght
wykkedly, for he chastyed hym noght.
Þys chylde was wurþy for to blame,
     4869
For ofte he cursed Goddys name;
whan aght was do aȝens hys wylle,
He cursede Goddys name wyþ ylle. Page  162
     4872
Seynt Gregory tellyþ hyt wyþ grete eye;
But as he seyþ, þan dar y seye.
Þys ychë chyld [sone] aftyrward
Fyl yn[to] a syknes hard;
     4876
Þe fadyr hadde þerof pyte,
Þe chyld he daunted on hys kne,
And haddë þarfor mochë kare
Þat he sagh hys chylde so fare;
     4880
For hyt began to braye and crye
As, þogh hyt shuld al to-flye.
Þe fadyr asked, why hyt so ferde,
Or what hyt sagh, or what hyt herde.
     4884
Þe chyldë seyd "blake men, blake,
Are aboutë, me to take;
Me, wyþ hem, wyl þey lede,
Y ne shal skapë for no nede."
     4888
Yn þe fadrys*. [faders.] bosum hyt wulde hym hyde,
But þe fende, þat ychë tyde,
Refte þe saulë vnto helle.
Þan began þe chylde to ȝelle,
     4892
And cursed onys Goddys name,
And deyde, and ȝede*. [wente.] to helle with shame.
Þys yche chylde þat y haue of tolde,
was but fyuë wyntyr olde.
     4896
Þus þe chylde þat was so ȝunge
was lore for faute of chastysynge.
But þe fadyr, þat*. [O. omits 'þat.'] no gode couþe,
     4899
Myȝte haue chastyëd hym*. [hyt.] with mouþe,
Stoutly, for euery a lak,
And betë hyt, whan hyt so spak.
Oueral y se þys custome wonys;
Rychë men haue shrewed sonys,—
     4904
Shrewys yn dedë and yn sawe,—
why? For þey haue nonnë awe.
Yn hys ȝouþe shal he mysseye Page  163
And skornë ouþer by þe weye;
     4908
Þan seyþ þe fadyr "þys chyldys wurde [folio 33a:2]
Ne shal nat ley allë yn hurde."
And ȝyf he lernë gylerye,
Fals wurde and feynt trenlyng*. [tremlynge.] with ye,*. [eye.]
Þat halte hys fadyr a queyntyse
     4913
And of slygh wyt, to knowe þat wyse.
Ȝyf he do skaþe gladly with fyght,
Þan seyþ þe fadyr "he shal be wyght;
He shal be hardy, and no man drede,
     4917
He begynneþ be tyme be doghty*. [dughty.] yn dede."
But ryght so shal hyt of hem falle
As dyd of Ely sonys alle.
     4920
y shal ȝow telle, to preue my sawe,
what fyl yn þe oldë lawe.*. [dawe O. has 1 (dotted under) and d written over.]*. [A tale]
yn þe byble hyt tellyþ, þat toucheþ swych þynges,
yn þe holy boke of kynges;
     4924
And wrytë hyt ys*. [ys þere.] opunly,
Of a patryark, syre Ely.
[The tale of 'Syre Ely' and his wicked Sons.]
Þys Ely was a man ryȝt ryche,
And, to hys chyldrén ryght blyche;
     4928
he hadde twey sonys, þat ys no les,
'Ofnee' the toon hyght, þe touþer 'Fynees.'
Þese twey chyldryn dyd ful wykkedly
To man and woman þat þey come by;
     4932
Lyers, robbours, and lechours,
Skorners, and also auoutours;
wymmen þat to þe temple come,
here offryng from hem þey nome.
     4936
Þese wymmen come to syre Ely,
And pleyned hem of grete vyleynye,
'Þat hys sonys were vnhende, Page  164
hem also for to shende.
     4940
O defaute was, þey by hem lay;
A-noþer, þey bare here offryng away.'
"Do þerof sum chástysyng,
For þe loue of heuene kyng!"
     4944
Here fadyr Ely þan was wo,
For þat yche fame shulde of hem go.
Ely kalled hys sone, "Ofnee [folio 33b]
And Fyneës, come ȝe to me!
     4948
Sonës," he seyde,*. ['he seyde' O, H. omits.] "ȝe are me dere;
y bydde ȝow boþe, on feyre manere,
Þat ȝe leue ȝoure foly dedes,
And ouþer foly þat ȝow ledys;
     4952
Y herë of ȝow foulë fame,
Þe folkë seyn ȝe are to blame;
Y rede ȝe leue alle swych foly,
Þat y of ȝow here no more cry."
     4956
Þese chyldryn were strong and stout;
Of fadres byddyng þey hadde*. [had þey.] no dout,
But werë shrewys for þe more,*. [forþermore.]
Or werse þan þey hadde be byfore;
     4960
And God was wroþe wyþ here mysdede
Þat þey ne leftë for no drede;
And, God was wyþ Ely wroþe,
For he dyd hys sones no loþe,
     4964
To chastyse hem wyþ fyn awe
And with þe smartnes of þe lawe.
Þarfor toke god hys venïaunce
Of hem, and mo, for þat myschaunce;
     4968
He lete þe fals Phylystyens,
Þe folk of Isrel to werre aȝens.
Ely and hys, þey gunne assayle,
And ouercome hem tweys yn batayle.
     4972
Þese Phylystyens þat hadde þe maystry,
Beleuyd on Dagoun, a maumettry.
On a god þat þey kalled Dagoun,
Beleued þe Phylystynes echoun.
     4976
Þarefor hyt was but Goddys suffraunce Page  165
Þat shewyd why þey hadde swych chaunce.
Þe folk of Isrel had þoght, and syghte,
For þey were twyys scumfyghte;
     4980
Þey ordeyned hem on allë wyse
how þey shulde best to batayle ryse,
Aȝens þe Phylystynes for to go,
And hem dyscumfytë and slo.
     4984
þey ordeyned hem for to bere [folio 33b:2]
Goddys arke with hem yn to were.*. [O. gloss 'bateyle.']
Ely sones were stoute and stark,
And were chose to bere Goddys ark;
     4988
For reuerence þey ded hyt, of Ely,
And for þey were of body doghty.
Goddys ark was of swych manere
As men make now shrynës here.
     4992
yn þys ark werë þre þynges
Þat men ȝaue to here offrynges;
Þar-yn was Moyses table
whar-on God wrote þe lawë stable;
     4996
And Aarons ȝerd, and a potte of golde:
Þese þre relykes þey helde ful holde.
Yn þe pottë was a floure,
whyte, and swete of al sauoure,
     5000
Þat floure ys kalled 'aungelys mete'
Þat God ȝafe þe folke to ete
whan þey were yn wyldernes
Forty wyntyr, yn hard stres.
     5004
Þese þyngës þan bare Ely sones
yn-to þe batayle þat ȝyt of mones.
Þe phylystyens come hem for*. [O. omits 'for.'] to assayle,
And slogh Ely sonës*. [sones boþe.] yn batayle,
     5008
And rauysshed Goddys ark þere,
And slogh þe folk þat þer were,
And þe relykys þat þere were*. [were þer.] ynne:
Alle were lore for þe sonys synne.
     5012
whan þe folk to þe batayle fore,*. [ȝede]
Ely sette hym at þe temple dore Page  166
yn a chayre, and was herkenyng
Fro þe batayle sum tydyng,
     5016
On what manere þe folk shulde spede,
For of Goddys ark he had grete drede.
One come rennyng hastyly,
And broghte þys tydyng to Ely
     5020
Þat hys sonys were boþe slayn,
And Goddys ark with myght and mayn*. [strenkþ]
was bore away for euermore. [folio 34a]
Alas, þe sorow þat he hadde þerfore!
     5024
whan Ely herd þys euyl tydyng,
For sorowe he gan hys handys wryng,
And fyl bakward of hys chayre,
And brak on*. [þer on.] two hys swyer;*. [nekke]
     5028
And of hys hede he brake þe bone,
Þe harnës*. [brayn] lay vpp-on þe stone.
Þys ychë tale ys no tryfyl,
For hyt ys wryte yn þe bybyl;
     5032
And to ȝow y telle hyt here,
Ȝoure sonys to chastyse and to lere,*. [O. gloss 'teche.']
Þat ȝe, ne þey, be nat shent
For defaute of chastysment
     5036
Bodyly, yn þys worlde here,
And aftyr þat, þe soule so dere.
Þenkeþ on Ely and on*. [O. omits 'on.'] hys sonys;
And to gode ȝoure chyldryn wones.
     5040
For, ryght so as hem gan tyde,
Swyche as þey were, þe same mow byde.
Of sloghnes þys ys þe assyse
whan þou wylt nat betyme chastyse.
     5044
Ȝyt ys þyr an ydulnes,—
A grete vnwysdom for soþe hyt ys,—
whan a ȝunge man dragh*. [draghþ.] lyte on lenkþe,
And wyl nat trauayle yn hys ȝungþe,*. [Ȝenþe.]
     5048
Ne lernë hym craft for to wynne,
Yn hys agë to leue wel ynne. Page  167
Certes me þenkeþ hym ful slogh;
Hys þryfte wyl melte away with snogh.
     5052
And þogh a man haue oght*. [oght of.] erytage
Þat he may lyue wyþ weyl yn age,
Certes ȝyt behoueþ hym lere
Manhede and curtesye yn fere.
     5056
A man hys manhedë shal ȝerne*. [desyre]
hymself and hys meynë to gouerne.
Þus seyþ þe kyng Salamon,
And þese holy men echone;
     5060
"Hyt ys an ydulnes yn here lyfe, [folio 34a:2]
Alle þat ouþer man or wyfe
Trauayleþ for þe lyuës fode,
And lytyl for þe soulës gode.
     5064
Þogh þou trauayle alle þat þou may,
Ne be þou neuer so ryche ne gay,
But þou serue God yn alle þy þoght
Þat þy soule to heuene be broght,
     5068
Sykyrlyche alle ys hyt but lore,
Þy grete trauayle syn þou were bore;
Alle for sloghthede be tolde hyt shal,
To werche al day, and lese hyt alle.
     5072
Ȝyt us þyr an vnkynde sloghþhede,
Þat a man vnneþ, for no gode dede,
wyl wurschep God derwrþly,
But more þarfor aȝens hym ly.
     5076
And*. [And þat.] mayst þou þe soþë se
Of rychë men, how stout þey be;
For many one þat he ȝyfþ to rychesse,
Of God and man þey ȝyue no*. [þe.] lesse.
     5080
Ȝyf he ȝyue to any hys ryght lemes,*. [lymes.]
To þanke hym þerof, no man ȝeue*. [Ȝeme.] nymes.
loke alle þy lymës, fete and hondes,
And, ȝyf þou weyl vndyrstondys
     5084
Þat þou ne hast nedë of þo,
Þank hym noþer yn wele no wo; Page  168
And ȝyf þou mayst forberë noun,
Þank þan hym*. [hym þan.] of euerychoun;
     5088
y rede we þanke hym of euery poynt,
Syn we may nat*. [ne may.] forbere þe lest Ioynt.
ȝyt þyr ys a sloghþehede yn þys synne;
Vnkynde men are alle þer-ynne;
     5092
yn sum man, vnkyndehede ys so rank
Þat he ne may cunne no man þank
For no gode dede þat*. [þat O, þan H.] men hym dous.
A dogge ys kynder, þat goþ lous,
     5096
For, ȝyue a dogge þryd part hys fode,
And he shal euer weyte þe gode,
And euermorë be wyþ þe, [folio 34b]
For lyfë ne deþ wyl he fle.
     5100
By þys skyl mayst þou se how
An hounde ys kynder þan art þou;
And ȝyt may hyt preuyd be
Þat þou art as vnkynde as he.
     5104
Of þe houndë, þys y fynde,
Þat most he hateþ hys owne kynde;
For that yche houndë þat hym gat,
Most of allë hateþ he þat;
     5108
And hys modyr he hateþ also;
He byt here, ȝyf he may cum here to.
Ȝyf ȝe vndyrstondë kan,
Þus faryþ hyt of a*. [an.] vnkynd man;
     5112
For he loueþ more an ouþer kynde,
And þarto ys wel morë mynde,
Þan he douþ þat ychë flesshe
Of whos kynde he cum forþe ys.*. [ysse.]
     5116
A-noþer þyng ȝyt ys,*. [O. omits 'ys.'] ȝyf þou ȝeue kepe,
Þat many loue more nete and*. [and O, þan H.] shepe
Þan he douþ hys emcrystene,
Or of hys harme wyl oght bemene.
     5120
And þys ys a grete vnkyndnes,
And also aȝen manhede hyt ys;*. [es.]
And sloghþëhede wel for to proue, Page  169
Vnkyndly, and lowe, to loue.
     5124
Ȝyf þou art yn godë wyl
To seruë God, and leue alle yl,
Repente þe nat, for no feyntyse,
Ne be nat heuy to hys seruyse;
     5128
Þou shuldyst raþer to þe deþ turne
Ar þou shust wyþ hys seruyse scorne.
Ȝyf þou bygynne weyl, y rede þou ende,
For fyrst and last þou fyndyst hym hende.
And ȝyf þou bygynne any þyng,
     5133
Þenk what shal be þe endyng.
For þogh þou seruë God to pay,
Alle þy lyfe,*. [lyue.] boþe nyȝt and day,
     5136
And at þe laste ende of þy lyffe [folio 34b:2]
Þou fallyst aȝens hym yn stryffe,
So þat þou yn þat ychë synne
Makyst þan þy*. [þanne þyn.] endyng ynne,
     5140
God forget alle þy gode dede;
Of hym þerfor gest þou no mede.
Ryght so ys he to þe redy
whan þou wylt leue alle þy foly,
     5144
And come to hym with répentaunce,
yn blys he makeþ þy puruyaunce.
At þe ende shal boþe dede and þoght
Shewe hym self how hyt ys wroght.
     5148
Ne be nat þou*. [þou nat.] sorowful, y þe forbede;
hyt semyþ, yn Goddys seruyse þan þou hast drede;
And dredë wyl make a man slogh
To do þe seruyse þat he hogh.*. [oghe.]
     5152
But serue hym gladly with louely chere,
Þan ys þy seruyse to hym dere:
Þus techyþ vs Dauid þe prophete
yn þe sautyr, wurdys swete; Page  170
     5156
"Ne be nat proude þogh þou weyl dous,
yn þyn herte to make a rous"*. [boste]
Þat þou holy lyfë ledys,
Yn fastyng, or yn almës dedys.
     5160
Þe fyrst ys ouer mochë drede,
Þe touþer ys*. [O. omits 'ys.'] proude hauncenhede.
Holde þe euene hem betwene,
Nat ouer-drede ne ouer-wene.
     5164
No make no sorowe, ne myslyke,
Þat wanhope In þyn hertë styke;
For þat ys þe werst poynt of alle;
To hellë þyt hyt doþe þe falle.
     5168
Sloghënes, hyt wyl þe grope
To bryngë þe yn-to whanhope;
Sloghnes yn allë godë dedys,
Ys as moche, as sum men redys,
     5172
As þogh þou shryue þe of a synne,
And þenke no more to falle þer-ynne.
Ȝyf þou be slogh, and heuy, [folio 35a]
And doust no gode dede of mercy,
     5176
Þus seyþ God yn hys gospel,
Þat "þou art to me a voyde vessel."
Ful lyght þan art þou for to turne
Aȝen to synne, and to soiurne;
     5180
Þan art þou wersë þan þou was,
Boundë vn-to Satanas;
Þan wylle Satanas begynne to prykke,
And whanhope yn þy hertë stykke.
     5184
whanhope, God shelde vs þar-fro,
hyt steryþ a man hym self to slo;
So ded þe treytur Iudas,
And forsoþe, wurþy he was.
     5188
why was he moste wurþy?
For he hadde wanhope of Goddys mercy;
For he wendë þat God ne wulde
Haue forȝyue hym, þat he*. [he O, god H.] hym solde.
Syþþen loked God*. [Ihesu.] vpp-on Iudas, Page  171
     5193
As who sey, "aske mercy for þy trespas."
For ȝyf he had asked hyt any syþe,
Ihesu hadde graunted hym asswyþe;
     5196
For hys mercy fayled noght
To any man þat hym besoght.
Syn God wulde haue*. [ha.] be to hym so fre,
Þan ys he redy to þe and me:
     5200
whychë tyme*. [Whych tyme or when.] þou wylt hym kalle,
For hys defaute þou shalt nat falle.
Beþenke þe weyl of þe þefe
Þat loued nat*. [naght.] God, no*. [ne.] was hym lefe,—
he þat was hanged on a tre
     5205
Bysydë Ihesu for vylte;
he spake o wurde at hys endyng.
"lordë, haue on me menyng!"*. [mennynge.]
     5208
And asswyþe he wan þe prys,
And was sent yn-to*. [O. omits 'yn.'] paradys.
he was þe fyrst[ë] þat hyt wan
Syn Adam lost hyt, oure formest man.
     5212
Er was þat þefe yn paradys [folio 35a:2]
Þan alle*. [alle þe.] prophetys þat were of prys.
Þat þefe 8alle manere wys dyd8*. [8_8 þat dede al maner.] synne,
And neuer ere leuyd Ihesu ynne;
     5216
For a wurde þat he spak so myldëly,
he haþ pes, blys, and mercy.
And, þarfor, dysmay þe noght
For no þyng þat þou hast wroght;
     5220
For, haue þou do neuer so mykyl,
Ne be so fals, ne so fykyl,
Ne ley þer-ynnë so long whyle,
And do alle maner synnës vyle,
     5224
Ȝyf þou wylt, yn strenkþe and hele,
Þy synne forsake and nat*. [noght.] wyþ dele,
with sorow of herte and répentaunce
     5227
Þou mayst pay God with lytyl penaunce.
God seyþ þys wurde, to shew vs þe wey,
"y wyl þat nonë synful deye; Page  172
To leue hys synne he shal haue space,
And turne aȝen to lyfe and grace;
     5232
what so euer he haue*. [haue he.] done,
y wyl nat hys dampnacyone."
To ȝyue a sample, a tale here lys,*. [A tale]
Þat vs telleþ seynt Dyonys.
     5236
[The Tale of the Priest Carpus's Vision, and how merciful God is.]
Seynt Dyonys of Fraunce seyþ þus:—
hyt was a prest þat hyght Carpus;
Þys prest, þurgh prechyng and sawe,
Broght a sarysyn to crystyn lawe;
     5240
A-noþer sarasyn of paynye
Haddë þerwyþ grete enuye,
And turnede þys man to hym aȝeyn,
And oure crystyndom was alle veyn.
     5244
Þys prest þarëfor was sory,
And hatyd þys man felunly,
And preydë God he wuld hym sende
Dampnacyun with-outyn ende,
     5248
For he þe crystendom forsoke,
And to a fals beleue hym toke;
Fast he preyd yn hys atent, [folio 35b]
þat God on hym veniauncë sent.
     5252
And God þe prestys prayere herde,
And shewed hym þat he mysferde.
Þys prest lay yn hys bede a nyȝt,
And, gostly, he sagh a*. [þys.] syght;
     5256
he sagh a swyþe merueylus brygge
Ouer þe depë pytte*. [putte.] gan lygge,
Þe plank þat on þe bryggë was,
was as sledyr as any glas;
     5260
But yn þe put þat was þer-vndyr,
he sagh so moche sorowe and wundyr,
Of fendës felë þat þere wore, Page  173
Þogh y tolde moche, ȝyt were þer more.
But, shortly to tellë fro,
     5265
Þe man*. [Who had returned to Paganism, and who he had prayd should be damnd.] he sagh on þe bryggë go
Yn ful gretë perel and kare,
And euer yn poynt to mysfare;
     5268
Yn poynt he was to falle adowne,
Of hys hede,*. [heuede.] formest þe crowne.
Þe fendys þat were yn þe pytte
Smote vpwarde, ȝyf þey myȝt hym hytte;
And addres bete hym by þe fete.
     5273
Þe prest sagh þat, and ful weyl lete;
He preydë God þat he shuld falle
Down yn-to þe fendys*. [vnto þe deueles.] alle,
     5276
And þer, with-outyn endë be,
'For he turned away fro þe.'
whan þe prest had seyë þys,
He loked vp to heuene blys;
     5280
Hym þoght þe rofe was cloue yn two,
And þe sky opened also,
And of Ihesu he hadde a syght,
How he was on þe rodë dyght;
     5284
He sagh hys wundys alle blody,
And spak to hym ful sorowfully,
"Carpus," he seyd, "se wyþ þyn yne
what y suffred for mannys pyne;
     5288
Man to saue, y lete me slo, [folio 35b:2]
why wust þou dampnë hym to wo?
why hast þou hym so moche with ylle?
And for mankynde y lete me spylle
     5292
with pyne, and hardë passyoun,
My blode y ȝaf for hys raunsun;
why wust þou he hadde hellë fere
Syn y haue boght hym so dere? Page  174
     5296
Ȝyt were y redy man to beye,
Er man with-outyn ende shulde deye.
But y haue shewde hym so moche yn dede
with my wundes þat þou seest blede,
     5300
þat y þarfor ne wuldë noght
Lese þat y so dere haue boght.
Aȝens me ne fyndeþ he no*. [O. omits 'no.'] skylle,
But ȝyf hys ownë wylle hyt wylle.
     5304
Þogh he be nowe aȝens me went,
Ȝyt kepe y hys amendëment;
Þarfor, with gode deuocyoun,
Pray for mannys saluacyoun."
     5308
Þan Carpus þanked God almyght
Þat he hadde herde and seye þat syght.
Þarfore shul we be ful mynde
To serue hym þat ys to vs so kynde,
     5312
And shewe hym loue whyle we be here
For þat he loveþ vs alle so dere,
Þat he ne wulde leue eft, for drede,
To deye for vs ȝyf we hadde nede.
     5316
Ne be we slogh,*. [nat slogh.] but sone vpryse,
Ne dredë vs þan on no wyse,
But, hope alle to gode endyng,
And serue þat mercyáble kyng,
     5320
Þat hys mercy be to vs lent
At þe day of Iugëmement;
Amen! so motë hyt betyde
To kepe vs fro sloghnes and accyde!
     5324