Robert of Brunne's "Handlyng synne".
Mannyng, Robert, fl. 1288-1338., William, de Wadington, 13th cent., Furnivall, Frederick James, 1825-1910.
Table of contents | Add to bookbag
Here bygynneþ þe seuene dedly synnes.*. [O. has 'Here begynne þe s. d. synnys.']

[Of Anger, the 2nd Deadly Sin.]

The touþer synne men callë yre,
Þe deuylys doghtyr of hellë fyre.
Ȝyf þou art so wundyr wroþe
     3705
with one þat to þe ys*. [ys to þe.] dedly loþe,
Ȝyf þou nat sone repentë þe
To helle þou fallest þe fyrst gre.
     3708
Þe man wraþþyþ hym lyghtly,
For lytyl, as yn malyncoly,
Þat synnë ne ys*. [ne ys nat.] ryght gref
Þat sone ys wroþe, and lyghtly lef.
     3712
Noþeles, hyt were weyl to done,
wysman shulde nat wraþ hym sone.
ȝyf þer be oþer lorde or syre
þat wraþþyth hym with gretë yre,
     3716
And euermore 7yn strenkþe7*. [7_7 ylych yn strenþe.]
Þat wraþþë drawe*. [draghþe.] yn lenþe,
Þat ychë wraþþe ys synnë strong
Þat lastyþ yn any man so long.
     3720
Ȝyf þou for wraþþe madyst chydyng,
Or repreuedyst a man of vyle þyng, Page  128
Yre haþ kast þe yn þys kas
Anoþer grece to hellë pas.
     3724
Ȝyf þou for yre bygynne wykkednes
Þat no man may lette þe,*. [þe lette.] ne stres,
Þat yche yre ys wyþ pryde, [folio 25b]
Ȝyf þou for wraþþe wylt nat abyde.
     3728
Ȝyf þou yn yre a man hate,
And þat wraþþë wylt nat late,
Greuusly þou art yn synne,
But þou forȝeue, and þer-of blynne.
     3732
Þe holy man seyþ hardly,*. [hardyly.]
Þat þou hast slayn hym gostly.
Ȝyf þy wraþþe þou wylt not*. [nat.] blynne,*. [O. gloss 'leue.']
But bryngest anoþer to þy synne,
     3736
Þou shalt haue chargë of*. [for.] þo boþe,
For þurgh ȝoure wraþþe are oþer wroþe;
For þy defaute þan synneþ he,
Þe morë perel þyn shal be.
     3740
Ȝyf þou ȝaue euer cunsel or rede
For yre, þat a man were dede;
Or ȝyf þou yn any strut,
For Ire wundedyst a man, or*. [and.] hurt,
     3744
yn þys synnë ys outrage,
To helle þou makyst þy vyage.
Þus þan wrote þe holy man
At wham*. [whom.] þys wurdë lerne y gan.
     3748
Ȝyf þou for yre a man slogh
Þat myghtyst haue lefte*. [left hyt.] weyl ynogh,—
Þat hyt was nat þe defendyng,
But for wraþþe and yre brennyng,—
     3752
Al þat euer God shope to be
Shal come and fyȝt aȝens þe
At þe day of iugëment,
And aȝens alle þou shalt be shent. Page  129
     3756
Ȝyf þou art wunt custummably
For to curse for lytyl why,
Þy tunge bereþ þerof wytnesse
Þat men nowe weyl wraþ yn þe gesse.
     3760
Ȝyf a man curse as yn game,
And yn hys herte wyl hym no shame,
he ne synneþ nat þan dedly,
For hyt ys seyd al yn rybaudy.
     3764
Þys synne ys nat dampnable [folio 25b:2]
But hyt be seyd custummable.
Þou shal vndyrstand and wete,
with resun, mayst þou*. [þou mayst.] þe wraþþe and flyte*. [chyde]
Aȝens vyleynye and synne,
     3769
ȝyf þou ne mayst do oþer bote þerynne;
wraþþe þe with mannys vyleynye,
But nat*. [Harl. with nat.] with his gode ne*. [Harl. and.] hys body.
     3772
Þat God loueþ, þou shalt loue,
here yn erþe, and yn heuene aboue.
Þat God neuer louyd, þou shalt*. [þat shalt þou.] hate,
wraþþe, and oþer synne foolate.*. [forlate.]
     3776
God louyþ euery creäture
Þat he formed to hys fygure;
But þe synnë þat ys wroght,
Þat loued he neuer noght.
     3780
Loue euery man yn hys gode dede;
hys wykkednes shalt þou hate & drede.
þou mayst spekë wurdys smerte
Þogh wraþþë be nat yn þyn herte;
     3784
Þou mayst be wroþe, sum body to chastyse,
Þogh hate nat*. [noght.] yn þy*. [þyn.] hertë ryse;
And ȝyf þou hate and sone forȝyuyst,
with God hymself þan þou lyuyst;
     3788
For God loueþ no þyng more specyaly
Þan for hys loue to haue mercy.
For he commaundeþ yn þe gospel
Þat man shuld forȝeue wraþ eche del, Page  130
     3792
And seyþ "blessyd be al mercyable!
Þey shul se God, and haue hym stable."
And þat shal y shewe ȝow by a knyȝt
Þat loued more mercy þan myȝt.
     3796
[The Tale of the Merciful Knight, and how the Crucifix kist him.]
Betwyxe twey knyȝtes be-ȝunde þe see
Fyl a grete cuntek to be;*. [A tale.]
Betwyxe hem fyl swyche wraþ & wo
Þat þe toon weyted þe toþer to slo:
     3800
Þey mette to-gedyr, y ne wote how;
Algate þe toon þe toþer slow.
Þys ychë slayn knyȝt had a chylde, [folio 26a]
A doghty bachelere, and a wylde;
     3804
þys ychë chylde toke hym to rede
For to venge hys fadrys ded;
He gate hym grete powere and myȝt
And beseged þe toþer knyȝt.
     3808
Þe toþer knyȝt perseyued hym wel,
And drogh hym to hys best castel.
Þo was he beseged so streytly,
Þat he durst come oute on no party
     3812
Of alle þe twelue*. [twel.] monþe with no deseyt,
So was he beseged streyte;
Messe ne matyns he ne herde
2Ne nagher to þe cherge2*. [2_2 No neuer nagher to cherche.] he ferde;*. [ȝede]
     3816
And hyt was yn þe lentyn tyde,
when men shuld leuë wraþ & pryde.
Þan fyl hyt on þe gode fryday,
Þe knyȝt þat yn þe*. [Harl. omits 'þe.'] castel lay
     3820
loked oute, and say*. [sagh.] men go
To þe cherchë, to and fro;
Barfote to þe cherche þey ȝede,
To aske mercy for here mysdede. Page  131
     3824
"Ey," þoght þe knyȝt, "long ys gone,
Þat messe at þe cherchë herd y none.
what so euer God wyl for me*. [for me wyle.] werche,
y wyl ryse, and go to þe cherche."
     3828
He drogh of hys hosyn and hys shone,
And ded þe ȝatys be on-done.
Barfote his ȝede, as ys þe acyse,*. [O. gloss 'maner.']
To cherche, for to herë Goddys seruyse.
     3832
And as he þe wey to þe cherchë name,*. [namme.]
Þe chylde, hys enmye, aȝens hym came,*. [camme.]
And seyd, "treytur, now shalt þou deye,
And my fadyr deþ ful dere a-beye;
     3836
No wurldës gode ne shal þe saue,
Þat þou þe deþ of me shalt haue."
Þe knyȝt say*. [sagh.] nonë ouþer bote,
But fel on knees byfore hys fote,
     3840
And seyd, "haue on me mercy [folio 26a:2]
For hym þat lyȝt yn þe vyrgyne mary,
And suffred deþ on þe rodë tre
Þys day, to saue boþe þe and me,*. [me and þe.]
     3844
And forȝaue hem þat hys blode spylte;
Ryght so forȝyue þou me my gylte;
y am as a presun here yn þys place,
y putte me now alle*. [al.] yn þy grace;
     3848
Þat goddys grace be on þe lent
At þe day of Iugëment!"
Þys chylde, þat was hys enmye,
herde hym prey so rufully,
     3852
And seyd, "syn þou hast me besoght*. [O. gloss 'pryde.']
For Ihesu loue þat dere vs boght,
And for hys modyr loue so dere,
For hem y graunte þe my pes here."
     3856
Þys ychë chylde down swyþe alyghte,
And yn gode louë kest þe*. [keste þat.] knyȝt;
"Now are we frendys, þat ere were wroþe, Page  132
Go we nowe to þe cherchë boþe,
     3860
yn gode loue, and parfyte charyte,
For hys sake þat ordeyned pes to be."
Þe knyȝt was glad, and no ferly,*. [wndyr]
And so were al þat cumpanye,
     3864
Þat he forȝaue hym hys mysdede,
And to þe cherchë*. [cherche þat.] boþe þey ȝede.
Byfore þe cros þ[e]y knelyd downe
yn þe*. [O. om. 'þe.'] wurschyp of Ihesu*. [Ihesus.] passyowne,
     3868
For to kesse þe cros þat day,
As custume ys yn crystyn lay.
Þe elder knyȝt, for honoure,
Ȝede fyrst, and kyst hys creäture;*. [creatour.]
     3872
Aftyr þan, ȝedë þe chylde,
Þat was becomë meke and mylde;
wyþ þe tokene he gan hym blesse,
And kneled down, þe cros to kesse.
     3876
Þe crucyfyx, þat þere was leyd,
hys armës*. [arme.] fro þe cros vpbreyd,
And clepd*. [clypte.] þe chyldë hym betwyx, [folio 26b]
And aftyrward kyst*. [aftyr keste.] hym, þat crucyfyx.
Alle þe parshe, boþe olde and ȝonge,*. [ȝynge.]
Parseyued, and say,*. [sagh.] þat clyppynge,
And how þe crucyfyx hym kyste;
Þey sagh hyt alle, and weyl hyt wyste.
Alle þey þanked swete Ihesu
     3885
Of þat myrácle and þat vertu.
Of þys chylde was grete selkouþe
Þat þe crycyfyx kyst wyþ mouthe.
     3888
Noþeles, forsoþe and ywys,
Y trowe þat yn hys herte were moche blys;
And al þe folke þat sagh þys þyng
Made to God grete þankyng.
     3892
Of þese twey knyȝtës, how hyt betyd,
Þe myracle was sone oueral*. [sone oueral was.] kyd; Page  133
And euery man þerof gan telle,
     3895
Prestys þerof yn prechyng*. [yn prechynge þer-of.] gun spelle,
So þat euery man yn þat*. [þe.] cuntre
lyued wel þe more yn charyte,
And allë men þe sunner forȝaue
     3899
Here wraþþe þat þey to ouþer dyd haue.
Sekyr þou be þat he was dygne,
Þat god shewed for hym*. [for hym shewede.] swyche a sygne;
A sygne hyt was of gretë loue
That God almyȝty, of heuene aboue,
     3904
Profrede hym to kesse so louely,
For he meked hys herte so hy.
Now mowe ȝe se þat God*. [se God.] loueþ hem dere
Þat forȝyuen here wraþ in þys wrlde here.*. [O, here wraþ here Harl.]
     3908
So shal hys wraþ on hem be sene
Þat here wyl nat forȝeue here*. [Harl. he.] tene.
Of Ire and wraþ, wul*. [wyle.] we now blynne,
And telle furþer of a-noþer synne
     3912
God ȝyue vs grace, so wraþþe forȝyue
Þat we may alle wyþ Ihesu lyue.