And neuer naght aȝens hem seyde.
Ȝole, hys lorde, wel vndyrstode
Þat al hys gracë and hys gode
Line 5844
Com for þe loue of Pers,
Þat was of so holy maners;
And whan he wyst of hys bounte,
He kalled Pers yn pryuyte,
Line 5848
"Pers," he seyd, "þou were wurþy
For to be wurscheped more þan y,
For þou art weyl with Ihesu;
He sheweþ for þe grete vertu;
Line 5852
Þarfor y shal make þe fre;
Y wyl þat my felaw [my felawe þat.] þou be."
Þar-to Pers granted [grauntede.] noght,
To be freman, as he besoght;
Line 5856
he wuldë be, as he was ore,
yn þat seruage for euermore.
he þanked þe lorde myldëly
For hys gretë curteysy.
Line 5860
Syþþen Ihesu, þurgh hys myȝt,
Shewed hym, tó Pers syȝt,
For to be stalworþe yn [ys.] hys fondyng,
And to hym haue loue longyng.
Line 5864
"Be nat sorowful to do penaunce; [folio 39b]
y am with þe yn euery chaunce;
Pers, I hauë mynde of þe;
Line 5867
lo, here þe kyrtyl þat [O. omits 'þat.'] þou ȝaue for me;
Þerfor grace y shal þe sende,
Yn alle godenessë weyl to ende."
Byfyl þat seriauntes and squyers
Þat were wunt to seruë Pers,
Line 5872
went yn pylgrymage, as yn kas,
To þat cuntre þere Pers was.
Ȝole ful feyrë gan hem kalle,
And preyde hem homë to hys halle.
Line 5876
