with one þat aftyr hym was sent,
To come vn-to hys Iugëment.
Line 5636
Before þe Iugë was he broght
To ȝelde acounte how he hadde wroght.
Pers stode ful sore a-drad,
And, was ábashed as [al abashede and.] mad;
Line 5640
He sagh a fende on þe to party,
Bewreyyng hym ful felunly;
Alle hyt was shewed hym before,
how he had lyued syn he wos [was.] bore;
Line 5644
And namely euery wykked dede
Syn fyrst he coudë hym self lede;
why he hem dyd, and for what chesun,
Of alle behoueþ hym to ȝelde [behouede hym elde.] a resoun.
On þe touþer party stode men ful bryȝt,
Þat wulde haue saued hym at here myȝt;
But þey myght no godë fynde
Þat myȝt hym sauë or vnbynde.
Line 5652
Þe feyre men seyd "what ys to rede?
Of hym fynde we no godë dede
Þat God ys payd of, but of [O. omits 'of.'] a lofe
þe whych Pers at [at O, a H.] þe pore man drofe:
Line 5656
ȝyt ȝaue [ȝaf.] he hyt with no gode wylle,
But kast hyt aftyr hym with ylle;
For Goddys loue ȝaue [ȝaf.] he hyt noȝt,
Ne for almes dede he hyt had þoght.
Line 5660
Noþeles, þe porë man
Had þe lofë of Pers þan."
Þe fendë had leyd yn balaunce
Line 5663
Hys wykkede dedes and hys myschaunce;
Þey leyd þe lofe aȝens hys dedys,—
Þey had noȝt ellës, þey mote [moste.] nedys—
Þe holy man telleþ [telþ.] vs, and seys,
Þat þe lofe made euen peys.
Line 5568
Þan seyd þese feyrë men to Pers, [folio 38a:2]
