Þogh y tolde moche, ȝyt were þer more.
But, shortly to tellë fro,
Line 5265
Þe man [Who had returned to Paganism, and who he had prayd should be damnd.] he sagh on þe bryggë go
Yn ful gretë perel and kare,
And euer yn poynt to mysfare;
Line 5268
Yn poynt he was to falle adowne,
Of hys hede, [heuede.] formest þe crowne.
Þe fendys þat were yn þe pytte
Smote vpwarde, ȝyf þey myȝt hym hytte;
And addres bete hym by þe fete.
Line 5273
Þe prest sagh þat, and ful weyl lete;
He preydë God þat he shuld falle
Down yn-to þe fendys [vnto þe deueles.] alle,
Line 5276
And þer, with-outyn endë be,
'For he turned away fro þe.'
whan þe prest had seyë þys,
He loked vp to heuene blys;
Line 5280
Hym þoght þe rofe was cloue yn two,
And þe sky opened also,
And of Ihesu he hadde a syght,
How he was on þe rodë dyght;
Line 5284
He sagh hys wundys alle blody,
And spak to hym ful sorowfully,
"Carpus," he seyd, "se wyþ þyn yne
what y suffred for mannys pyne;
Line 5288
Man to saue, y lete me slo, [folio 35b:2]
why wust þou dampnë hym to wo?
why hast þou hym so moche with ylle?
And for mankynde y lete me spylle
Line 5292
with pyne, and hardë passyoun,
My blode y ȝaf for hys raunsun;
why wust þou he hadde hellë fere
Syn y haue boght hym so dere?
Line 5296
