To leue hys synne he shal haue space,
And turne aȝen to lyfe and grace;
Line 5232
what so euer he haue [haue he.] done,
y wyl nat hys dampnacyone."
To ȝyue a sample, a tale here lys, [A tale]
Þat vs telleþ seynt Dyonys.
Line 5236
[The Tale of the Priest Carpus's Vision, and how merciful God is.]
Seynt Dyonys of Fraunce seyþ þus:—
hyt was a prest þat hyght Carpus;
Þys prest, þurgh prechyng and sawe,
Broght a sarysyn to crystyn lawe;
Line 5240
A-noþer sarasyn of paynye
Haddë þerwyþ grete enuye,
And turnede þys man to hym aȝeyn,
And oure crystyndom was alle veyn.
Line 5244
Þys prest þarëfor was sory,
And hatyd þys man felunly,
And preydë God he wuld hym sende
Dampnacyun with-outyn ende,
Line 5248
For he þe crystendom forsoke,
And to a fals beleue hym toke;
Fast he preyd yn hys atent, [folio 35b]
þat God on hym veniauncë sent.
Line 5252
And God þe prestys prayere herde,
And shewed hym þat he mysferde.
Þys prest lay yn hys bede a nyȝt,
And, gostly, he sagh a [þys.] syght;
Line 5256
he sagh a swyþe merueylus brygge
Ouer þe depë pytte [putte.] gan lygge,
Þe plank þat on þe bryggë was,
was as sledyr as any glas;
Line 5260
But yn þe put þat was þer-vndyr,
he sagh so moche sorowe and wundyr,
Of fendës felë þat þere wore,
