"Ne be nat proude þogh þou weyl dous,
yn þyn herte to make a rous" [boste]
Þat þou holy lyfë ledys,
Yn fastyng, or yn almës dedys.
Line 5160
Þe fyrst ys ouer mochë drede,
Þe touþer ys [O. omits 'ys.'] proude hauncenhede.
Holde þe euene hem betwene,
Nat ouer-drede ne ouer-wene.
Line 5164
No make no sorowe, ne myslyke,
Þat wanhope In þyn hertë styke;
For þat ys þe werst poynt of alle;
To hellë þyt hyt doþe þe falle.
Line 5168
Sloghënes, hyt wyl þe grope
To bryngë þe yn-to whanhope;
Sloghnes yn allë godë dedys,
Ys as moche, as sum men redys,
Line 5172
As þogh þou shryue þe of a synne,
And þenke no more to falle þer-ynne.
Ȝyf þou be slogh, and heuy, [folio 35a]
And doust no gode dede of mercy,
Line 5176
Þus seyþ God yn hys gospel,
Þat "þou art to me a voyde vessel."
Ful lyght þan art þou for to turne
Aȝen to synne, and to soiurne;
Line 5180
Þan art þou wersë þan þou was,
Boundë vn-to Satanas;
Þan wylle Satanas begynne to prykke,
And whanhope yn þy hertë stykke.
Line 5184
whanhope, God shelde vs þar-fro,
hyt steryþ a man hym self to slo;
So ded þe treytur Iudas,
And forsoþe, wurþy he was.
Line 5188
why was he moste wurþy?
For he hadde wanhope of Goddys mercy;
For he wendë þat God ne wulde
Haue forȝyue hym, þat he [he O, god H.] hym solde.
Syþþen loked God [Ihesu.] vpp-on Iudas,
Line 5193
