Vnkyndly, and lowe, to loue.
Line 5124
Ȝyf þou art yn godë wyl
To seruë God, and leue alle yl,
Repente þe nat, for no feyntyse,
Ne be nat heuy to hys seruyse;
Line 5128
Þou shuldyst raþer to þe deþ turne
Ar þou shust wyþ hys seruyse scorne.
Ȝyf þou bygynne weyl, y rede þou ende,
For fyrst and last þou fyndyst hym hende.
And ȝyf þou bygynne any þyng,
Line 5133
Þenk what shal be þe endyng.
For þogh þou seruë God to pay,
Alle þy lyfe, [lyue.] boþe nyȝt and day,
Line 5136
And at þe laste ende of þy lyffe [folio 34b:2]
Þou fallyst aȝens hym yn stryffe,
So þat þou yn þat ychë synne
Makyst þan þy [þanne þyn.] endyng ynne,
Line 5140
God forget alle þy gode dede;
Of hym þerfor gest þou no mede.
Ryght so ys he to þe redy
whan þou wylt leue alle þy foly,
Line 5144
And come to hym with répentaunce,
yn blys he makeþ þy puruyaunce.
At þe ende shal boþe dede and þoght
Shewe hym self how hyt ys wroght.
Line 5148
Ne be nat þou [þou nat.] sorowful, y þe forbede;
hyt semyþ, yn Goddys seruyse þan þou hast drede;
And dredë wyl make a man slogh
To do þe seruyse þat he hogh. [oghe.]
Line 5152
But serue hym gladly with louely chere,
Þan ys þy seruyse to hym dere:
Þus techyþ vs Dauid þe prophete
yn þe sautyr, wurdys swete;
Line 5156
