And ȝyf þou mayst forberë noun,
Þank þan hym [hym þan.] of euerychoun;
Line 5088
y rede we þanke hym of euery poynt,
Syn we may nat [ne may.] forbere þe lest Ioynt.
ȝyt þyr ys a sloghþehede yn þys synne;
Vnkynde men are alle þer-ynne;
Line 5092
yn sum man, vnkyndehede ys so rank
Þat he ne may cunne no man þank
For no gode dede þat [þat O, þan H.] men hym dous.
A dogge ys kynder, þat goþ lous,
Line 5096
For, ȝyue a dogge þryd part hys fode,
And he shal euer weyte þe gode,
And euermorë be wyþ þe, [folio 34b]
For lyfë ne deþ wyl he fle.
Line 5100
By þys skyl mayst þou se how
An hounde ys kynder þan art þou;
And ȝyt may hyt preuyd be
Þat þou art as vnkynde as he.
Line 5104
Of þe houndë, þys y fynde,
Þat most he hateþ hys owne kynde;
For that yche houndë þat hym gat,
Most of allë hateþ he þat;
Line 5108
And hys modyr he hateþ also;
He byt here, ȝyf he may cum here to.
Ȝyf ȝe vndyrstondë kan,
Þus faryþ hyt of a [an.] vnkynd man;
Line 5112
For he loueþ more an ouþer kynde,
And þarto ys wel morë mynde,
Þan he douþ þat ychë flesshe
Of whos kynde he cum forþe ys. [ysse.]
Line 5116
A-noþer þyng ȝyt ys, [O. omits 'ys.'] ȝyf þou ȝeue kepe,
Þat many loue more nete and [and O, þan H.] shepe
Þan he douþ hys emcrystene,
Or of hys harme wyl oght bemene.
Line 5120
And þys ys a grete vnkyndnes,
And also aȝen manhede hyt ys; [es.]
And sloghþëhede wel for to proue,
