Certes me þenkeþ hym ful slogh;
Hys þryfte wyl melte away with snogh.
Line 5052
And þogh a man haue oght [oght of.] erytage
Þat he may lyue wyþ weyl yn age,
Certes ȝyt behoueþ hym lere
Manhede and curtesye yn fere.
Line 5056
A man hys manhedë shal ȝerne [desyre]
hymself and hys meynë to gouerne.
Þus seyþ þe kyng Salamon,
And þese holy men echone;
Line 5060
"Hyt ys an ydulnes yn here lyfe, [folio 34a:2]
Alle þat ouþer man or wyfe
Trauayleþ for þe lyuës fode,
And lytyl for þe soulës gode.
Line 5064
Þogh þou trauayle alle þat þou may,
Ne be þou neuer so ryche ne gay,
But þou serue God yn alle þy þoght
Þat þy soule to heuene be broght,
Line 5068
Sykyrlyche alle ys hyt but lore,
Þy grete trauayle syn þou were bore;
Alle for sloghthede be tolde hyt shal,
To werche al day, and lese hyt alle.
Line 5072
Ȝyt us þyr an vnkynde sloghþhede,
Þat a man vnneþ, for no gode dede,
wyl wurschep God derwrþly,
But more þarfor aȝens hym ly.
Line 5076
And [And þat.] mayst þou þe soþë se
Of rychë men, how stout þey be;
For many one þat he ȝyfþ to rychesse,
Of God and man þey ȝyue no [þe.] lesse.
Line 5080
Ȝyf he ȝyue to any hys ryght lemes, [lymes.]
To þanke hym þerof, no man ȝeue [Ȝeme.] nymes.
loke alle þy lymës, fete and hondes,
And, ȝyf þou weyl vndyrstondys
Line 5084
Þat þou ne hast nedë of þo,
Þank hym noþer yn wele no wo;
