yn a chayre, and was herkenyng
Fro þe batayle sum tydyng,
Line 5016
On what manere þe folk shulde spede,
For of Goddys ark he had grete drede.
One come rennyng hastyly,
And broghte þys tydyng to Ely
Line 5020
Þat hys sonys were boþe slayn,
And Goddys ark with myght and mayn [strenkþ]
was bore away for euermore. [folio 34a]
Alas, þe sorow þat he hadde þerfore!
Line 5024
whan Ely herd þys euyl tydyng,
For sorowe he gan hys handys wryng,
And fyl bakward of hys chayre,
And brak on [þer on.] two hys swyer; [nekke]
Line 5028
And of hys hede he brake þe bone,
Þe harnës [brayn [O. omits the gloss.] ] lay vpp-on þe stone.
Þys ychë tale ys no tryfyl,
For hyt ys wryte yn þe bybyl;
Line 5032
And to ȝow y telle hyt here,
Ȝoure sonys to chastyse and to lere, [O. gloss 'teche.']
Þat ȝe, ne þey, be nat shent
For defaute of chastysment
Line 5036
Bodyly, yn þys worlde here,
And aftyr þat, þe soule so dere.
Þenkeþ on Ely and on [O. omits 'on.'] hys sonys;
And to gode ȝoure chyldryn wones.
Line 5040
For, ryght so as hem gan tyde,
Swyche as þey were, þe same mow byde.
Of sloghnes þys ys þe assyse
whan þou wylt nat betyme chastyse.
Line 5044
Ȝyt ys þyr an ydulnes,—
A grete vnwysdom for soþe hyt ys,—
whan a ȝunge man dragh [draghþ.] lyte on lenkþe,
And wyl nat trauayle yn hys ȝungþe, [Ȝenþe.]
Line 5048
Ne lernë hym craft for to wynne,
Yn hys agë to leue wel ynne.
