hem also for to shende.
Line 4940
O defaute was, þey by hem lay;
A-noþer, þey bare here offryng away.'
"Do þerof sum chástysyng,
For þe loue of heuene kyng!"
Line 4944
Here fadyr Ely þan was wo,
For þat yche fame shulde of hem go.
Ely kalled hys sone, "Ofnee [folio 33b]
And Fyneës, come ȝe to me!
Line 4948
Sonës," he seyde, ['he seyde' O, H. omits.] "ȝe are me dere;
y bydde ȝow boþe, on feyre manere,
Þat ȝe leue ȝoure foly dedes,
And ouþer foly þat ȝow ledys;
Line 4952
Y herë of ȝow foulë fame,
Þe folkë seyn ȝe are to blame;
Y rede ȝe leue alle swych foly,
Þat y of ȝow here no more cry."
Line 4956
Þese chyldryn were strong and stout;
Of fadres byddyng þey hadde [had þey.] no dout,
But werë shrewys for þe more, [forþermore.]
Or werse þan þey hadde be byfore;
Line 4960
And God was wroþe wyþ here mysdede
Þat þey ne leftë for no drede;
And, God was wyþ Ely wroþe,
For he dyd hys sones no loþe,
Line 4964
To chastyse hem wyþ fyn awe
And with þe smartnes of þe lawe.
Þarfor toke god hys venïaunce
Of hem, and mo, for þat myschaunce;
Line 4968
He lete þe fals Phylystyens,
Þe folk of Isrel to werre aȝens.
Ely and hys, þey gunne assayle,
And ouercome hem tweys yn batayle.
Line 4972
Þese Phylystyens þat hadde þe maystry,
Beleuyd on Dagoun, a maumettry.
On a god þat þey kalled Dagoun,
Beleued þe Phylystynes echoun.
Line 4976
Þarefor hyt was but Goddys suffraunce
