yn cordys, an [yn.] organes, and bellys ryngyng,
yn al þese, wurschepe ȝe heuene kyng."
Ȝyf ȝe do þus, y sey hardly,
Line 4773
Ȝe mow here ȝoure mynstralsy.
Ȝyf þou lyggë long yn synne,
And wylt nat ryse, ne þerof blynne,
Line 4776
Certeynly, for euery oure
Þou shalt ȝelde a-counte ful soure;
For euery oure þat þou þeryn lay
Yn purgatorye þou gest þy pay.
Line 4780
Hyt ys sloghnes, and kalled 'accyde,'
Fro Goddys seruyse so long þe hyde.
And some, alle þe ȝere wyllyn abyde
Of shryftë tyl þe lentyn tyde;
Line 4784
And nygh tyl lentyn be al gone
Mede for fastyng gete þey none;
Þat ys, for sloghnes þey wyl nat ryse;
lyggyng yn synne, ys lore seruyse.
Line 4788
And, sum men, yn alle here lyue,
Clenly ne wylë þey hem shryue;
For þey synne alle yn hope of grace,
At here endyng wene þey haue space;
Line 4792
Þan þenkë þey to shryue hem clene: [folio 32b]
To swyche men, God sheweþ hys tene.
Hyt ys seyd al day, for þys skyl,
"he þat wyl nat whan he may,
Line 4796
He shal nat, when he wyl, [haue pay.]"
And þer byþ many one ful euyl to wynne
To any godenes fro vylë synne;
Line 4800
Euyl tokyn hyt ys [Harl. omits 'ys.'] of swyche a man,
God hym deme; for y ne kan.
And þyr are ouþer þat mys dous,
As a best, [beste.] for defaute þat goþ lous.
Line 4804
But whan men techë hem þe wey,
And þey wyl do as men hem sey;
