And asked þere þe charyte;
Þe porter lete hym haue entre;
Line 4704
At tyme of mete, þe bourde was leyd,
And þe benesun shuld be seyd;
Þys mynstral made hys melody
with gretë noyse, and loude, and hy.
Line 4708
Of þe bysshope, þe famë ran
Þat he was an holy man;
Þe bysshope sette hym at þe bourde,
Line 4711
And shuld haue blessed hyt with wurde;
So was he sturbled with þe mynstral,
Þat he hadde no grace to sey with [weyl.] -alle
His graces ryght deuoutëly
For þe noyse of þe mynstralsy.
Line 4716
Þe bysshope pleyned hym ful sore, [folio 32a]
And seyd to allë þat were þore,
Þat he ne shulde make hys nycete
Before the graces of þe charyte.
Line 4720
He sagh hyt weyl, þurgh þe spryt, [spyryt.]
Þat þer shuld come veniaunce astyt. [alstyt.]
"Ȝyueþ hym þe charyte, & latyþ hym go;
Hys deþ ys nygh, þat shal hym slo."
Line 4724
He toke charyte, and toke hys gate; [O. gloss 'weye.']
And as he passed out at þe ȝate,
A stonë fyl down of þe wal,
And slogh þerë þe mynstral.
Line 4728
Þat betokened þat God was noght
Payd of þat þe mynstral wroght,
Þat he desturbled þe benesoun
And þe gode mannys deuocyoun.
Line 4732
Þys tolde y for þe glemennes sake,
To loke whan þey here gle shuld [shul.] make;
And also for þo þat shuld hyt here,
Þat þey loue hyt nat so dere,
Line 4736
